ആറ്റിങ്ങല്‍: ആറ്റിങ്ങലില്‍ ബിജെപിയുടെ കരുത്തറിയിച്ച് സ്ഥാനാര്‍ത്ഥി വി. മുരളീധരന്‍ നയിച്ച പദയാത്ര. ആറ്റിങ്ങല്‍, നഗരൂര്‍ പ്രദേശങ്ങളില്‍ ആണ് എന്‍ഡിഎ സ്ഥാനാര്‍ത്ഥിയുടെ നേതൃത്വത്തില്‍ പദയാത്ര നടന്നത്. ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ പദയാത്ര ഉദ്ഘാടനം ചെയ്തു. നരേന്ദ്രമോദിയുടെ ഗ്യാരണ്ടിയിലാണ് ഇന്ന് കേരളത്തിലെ ജനങ്ങളുടെ പ്രതീക്ഷയെന്ന് കെ. സുരേന്ദ്രന്‍ പറഞ്ഞു. പ്രധാനമന്ത്രിയുടെ വിശ്വസ്തനായ വി. മുരളീധരന്‍ തന്നെയാണ് നരേന്ദ്രമോദിയുടെ ഏറ്റവും വലിയ ഗ്യാരണ്ടിയെന്നും അദ്ദേഹം പറഞ്ഞു.
അരുവിക്കര മണ്ഡലത്തിലായിരുന്നു ഇന്നലെ വി. മുരളീധരന്റെ പ്രചാരണ തുടക്കം. അരുവിക്കര, ചെറിയകൊണ്ണി, വെള്ളനാട് പ്രദേശങ്ങളില്‍ വോട്ടര്‍മാരെ നേരില്‍ കണ്ടു. സമുദായ നേതാക്കളുമായും കൂടിക്കാഴ്ച നടത്തി. എന്‍എസ്എസ്, വിശ്വകര്‍മ സമുദായ നേതാക്കളെയാണ് വി. മുരളീധരന്‍ സന്ദര്‍ശിച്ചത്. നാവായിക്കുളത്ത് ഗ്ലോബല്‍ ഗിവേഴ്‌സ് ഫൗണ്ടേഷന്‍ സംഘടിപ്പിച്ച വികസന ചര്‍ച്ച മുരളീധരന്‍ ഉദ്ഘാടനം ചെയ്തു.
ആറ്റിങ്ങലില്‍ നടന്ന പരിപാടിയില്‍ ബിജെപി മണ്ഡലം പ്രസിഡന്റ് സന്തോഷ് അധ്യക്ഷത വഹിച്ചു, സംസ്ഥാന സെക്രട്ടറി അഡ്വ. എസ്. സുരേഷ്, ബിഡിജെഎസ് നേതാവ് പ്രേംരാജ്, തമ്പാനൂര്‍ സതീഷ്, ആലംകോട് ദാനശീലന്‍ തുടങ്ങിയവര്‍ പങ്കെടുത്തു. ആറ്റിങ്ങല്‍ നടന്ന യോഗത്തില്‍ കോണ്‍ഗ്രസ് നേതാവും മണമ്പൂര്‍ ഗ്രാമപഞ്ചായത്തില്‍ ദീര്‍ഘകാലം പഞ്ചായത്ത് അംഗവുമായിരുന്ന മാവിള വിജയനും സിപിഎം ആറ്റിങ്ങല്‍ അട്ടക്കുളം ബ്രാഞ്ച് ട്രഷററുമായ പ്രേംചന്ദും ബിജെപിയില്‍ ചേര്‍ന്നു. കെ. സുരേന്ദ്രന്‍ ഇരുവരെയും ഷാളണിയിച്ച് സ്വീകരിച്ചു.
പ്രതികരിക്കാൻ ഇവിടെ എഴുതുക: