ന്യൂദല്ഹി: സിഎഎയുടെ പേരില് കള്ളപ്രചാരണം നടത്തി മുസ്ലിം സമൂഹത്തില് ഭയം നിറയ്ക്കാനാണ് കോണ്ഗ്രസ് ശ്രമിക്കുന്നതെന്ന് ബിജെപി നേതാവ് മുക്താര് അബ്ബാസ് നഖ്വി. കോണ്ഗ്രസിന് താലിബാന് മനോഭാവമാണ്. അവര് മുസ്ലിം സമൂഹത്തെ തെറ്റിദ്ധരിപ്പിക്കുകയാണ്, നഖ്വി എഎന്ഐയോട് പറഞ്ഞു.
സിഎഎ മുസ്ലീങ്ങള്ക്കെതിരല്ല. പൗരത്വം നിഷേധിക്കുന്ന ഒന്നും ഇതിലില്ല. ബംഗ്ലാദേശിലും പാകിസ്ഥാനിലും അഫ്ഗാനിസ്ഥാനിലും മതത്തിന്റെ പീഡനമനുഭവിക്കുന്ന അവിടുത്തെ ന്യൂനപക്ഷങ്ങള്ക്ക് പൗരത്വം നല്കുന്നതിനുള്ള നിയമമാണിത്, നഖ്വി പറഞ്ഞു.
സിഎഎയ്ക്കെതിരെ രംഗത്ത് വന്ന മമതയുടെ നിലപാട് ലോക്സഭാ തെരഞ്ഞെടുപ്പില് ചര്ച്ചയാവുമെന്ന് നഖ്വി പറഞ്ഞു. നമുക്ക് തെരഞ്ഞെടുപ്പില് കാണാം. മമത പ്രീണനത്തിന്റെ റാണിയാണ്. അവര് ബംഗാളില് നടത്തുന്ന അതിരുകടന്ന പ്രീണനം വലിയ പ്രത്യാഘാതങ്ങള് സൃഷ്ടിക്കും, അദ്ദേഹം പറഞ്ഞു.
അതേസമയം ബംഗാളിലുടനീളം ജനങ്ങള് ആഹ്ലാദത്തിലാണെന്നും പ്രധാനമന്ത്രിക്ക് ജനങ്ങള് നന്ദി പറയുകയാണെന്നും ബിജെപി എംപി ദിലീപ് ഘോഷ് പറഞ്ഞു.
