പാട്ന: പൗരത്വ ഭേദഗതി നിയമത്തിന്റെ വിജ്ഞാപനത്തെ വിമർശിച്ച പ്രതിപക്ഷ പാർട്ടികൾക്കെതിരെ ആഞ്ഞടിച്ച് കേന്ദ്ര ആഭ്യന്തര സഹമന്ത്രി നിത്യാനന്ദ് റായ്. പ്രതിപക്ഷ പാർട്ടികളിൽ മനുഷ്യത്വം അവശേഷിക്കുന്നില്ലെന്ന് മന്ത്രി വിമർശിച്ചു.
സിഎഎയുടെ വിജ്ഞാപനത്തിലൂടെ പ്രധാനമന്ത്രി നരേന്ദ്ര മോദി സ്വന്തം വാഗ്ദാനങ്ങൾ നിറവേറ്റിയപ്പോൾ പ്രതിപക്ഷം പ്രീണന രാഷ്‌ട്രീയത്തിൽ ഏർപ്പെടുകയാണ്. അവർ വോട്ട് ബാങ്ക് ആശങ്കകൾ കണക്കിലെടുത്താണ് പ്രവർത്തിക്കുന്നതെന്ന് മുതിർന്ന ബിജെപി നേതാവ് കൂടിയായ റായ് പറഞ്ഞു.
“അഫ്ഗാനിസ്ഥാൻ, പാകിസ്ഥാൻ, ബംഗ്ലാദേശ് എന്നിവിടങ്ങളിൽ പീഡനം നേരിടുന്ന ന്യൂനപക്ഷങ്ങൾക്ക് സഹായഹസ്തം നൽകുമെന്ന് പ്രധാനമന്ത്രി മോദി വാഗ്ദാനം ചെയ്തിരുന്നു. അവരുടെ സ്വത്ത് കൊള്ളയടിക്കുന്നു. സമുദായങ്ങളിലെ സ്ത്രീകളുടെ മാനം ഭീഷണിയിലാണ്”, -റായ് കുട്ടിച്ചേർത്തു.
പ്രതികരിക്കാൻ ഇവിടെ എഴുതുക: