മലപ്പുറം: പെരുമ്പിലാവില് മദ്യലഹരിയില് പാഞ്ഞ കാറിനെ നാട്ടുകാര് പിന്തുടര്ന്ന് പിടികൂടി .കാറിലുണ്ടായിരുന്നവര് പ്രകോപനം സൃഷ്ടിച്ചത് സംഘര്ഷത്തിനിടയാക്കി.
സംഭവത്തില് ഡ്രൈവര് ഉള്പ്പെടെ രണ്ടുപേരെ കുന്നംകുളം പൊലീസ് പിടികൂടി. മലപ്പുറം തിരൂരങ്ങാടി പോക്കാട്ട് വീട്ടില് നൂഹ് (42), ചങ്കുവെട്ടി വടക്കന് വീട്ടില് ഷെമീര് (38) എന്നിവരെയാണ് കുന്നംകുളം സി.ഐയുടെ നേതൃത്വത്തിലുളള സംഘം അറസ്റ്റ് ചെയ്തത്. ഞായറാഴ്ച രാത്രിയാണ് സംഭവം.
പെരുമ്പിലാവ് ഭാഗത്തുനിന്ന് കൊരട്ടിക്കര ഭാഗത്തേക്ക് അമിതവേഗതയില് അലക്ഷ്യമായി പോയ കാര് രണ്ട് ബൈക്കുകളില് തട്ടി. തുടര്ന്ന് നാട്ടുകാര് വാഹനത്തെ പിന്തുടര്ന്ന് തടഞ്ഞു. വാഹനത്തിലുണ്ടായിരുന്ന രണ്ടുപേരും മദ്യലഹരിയിലാണെന്ന് മനസിലാക്കിയ നാട്ടുകാര് ഇവരെ തടഞ്ഞ് വെച്ച് പൊലീസിന് കൈമാറുകയായിരുന്നു. ഇതിനിടെ വാഹനത്തിലുണ്ടായിരുന്ന ഒരാള് പുറത്തിറങ്ങി നാട്ടുകാരുമായി തട്ടിക്കയറി. ആക്രമിക്കാന് ശിരമിച്ച ശ്രമിക്കുകയും അസഭ്യം വിളിക്കുകയും ചെയ്തത് സംഘര്ഷത്തിനിടയാക്കി.
