കോട്ടയം: ജന്മദിനാഘോഷത്തോടനുബന്ധിച്ച് വ്യാജ വാറ്റുണ്ടാക്കിയ 62-കാരൻ അറസ്റ്റിൽ. വിജയപുരം സ്വദേശി ജോസഫ് പത്രോസിനെയാണ് എക്സൈസ് സംഘം പിടികൂടിയത്. ഇയാളെ സഹായിച്ച അയൽവാസി മനു മനോജിനെയും അറസ്റ്റ് ചെയ്തു.
പ്രതികളിൽ നിന്നും ഒരു ലിറ്റർ ചാരായവും 40 ലിറ്റർ സ്പെന്റ് വാഷും പിടിച്ചെടുത്തു. വീടിന്റെ അടുക്കളയിൽ കുക്കറിലാണ് ചാരായം നിർമ്മിച്ചത്. ഇത് കുപ്പിയിൽ ശേഖരിക്കവെയാണ് സംഘത്തെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
