തിരുവനന്തപുരം : യുവതിയെ തട്ടിക്കൊണ്ടു പോയി വിവാഹം കഴിക്കാന്‍ ശ്രമിച്ച പൂജാരിയെ പൊലീസ് പിടികൂടി. കൂട്ടാളിയായ പൊലീസുകാരനെയും അറസ്റ്റ് ചെയ്തു.
പൂജാരിയും ജ്യോത്സ്യനും കേശവദാസപുരം സ്വദേശിയുമായ എസ് ശ്യാമാണ് യുവതിയെ തട്ടിക്കൊണ്ടു പോയി വിവാഹം കഴിക്കാന്‍ ശ്രമിച്ചത് തിരുവനന്തപുരം റൂറല്‍ എ ആര്‍ ക്യാമ്പിലെ പൊലീസുകാരന്‍ സുധീറാണ് ഇയാള്‍ക്ക് ഒത്താശ ചെയ്ത് അറസ്റ്റിലായത്. സംഘത്തിലുളള ഷജില എന്ന യുവതിയും ഷനീഫ എന്നയാളും പിടിയിലായിട്ടുണ്ട്
പേരൂര്‍ക്കടയില്‍ നിന്ന് വ്യാഴാഴ്ച രാവിലെയാണ് യുവതിയെ തട്ടിക്കൊണ്ടുപോയത്. പ്രതികളെ കേരള-തമിഴ്നാട് അതിര്‍ത്തിയില്‍ നിന്ന് പൊലീസ് പിടികൂടി. വിവാഹമോചിതയായ യുവതിയെ വിവാഹം കഴിക്കാനാണ് തട്ടിക്കൊണ്ടു പോയതെന്ന് പൂജാരി പൊലീസിനോട് പറഞ്ഞു. കേസില്‍ നാലു പ്രതികളെയും റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: