ന്യൂദല്‍ഹി: അനധികൃത മണല്‍ ഖനന കേസില്‍ കള്ളപ്പണം വെളുപ്പിക്കല്‍ അന്വേഷണവുമായി ബന്ധപ്പെട്ട് ആര്‍ജെഡി തലവന്‍ ലാലു പ്രസാദ് യാദവിന്റെ അടുത്ത അനുയായി സുഭാഷ് യാദവിനെ എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) അറസ്റ്റ് ചെയ്തു. ബിഹാറിലെ പട്‌നയിലെ പല സ്ഥലങ്ങളിലും ഏജന്‍സി സ്ലീത്തുകള്‍ നടത്തിയ റെയ്ഡിനെ തുടര്‍ന്ന് കള്ളപ്പണം വെളുപ്പിക്കല്‍ തടയല്‍ നിയമപ്രകാരം (പിഎംഎല്‍എ) ശനിയാഴ്ച രാത്രിയാണ് സുഭാഷിനെ അറസ്റ്റ് ചെയ്തത്.
ഞായറാഴ്ച രാവിലെ പ്രത്യേക പിഎംഎല്‍എ കോടതിയില്‍ ഹാജരാക്കിയ സുഭാഷിനെ ജുഡീഷ്യല്‍ കസ്റ്റഡിയിലേക്ക് അയച്ചതായി ഇഡി ഉദ്യോഗസ്ഥര്‍ പറഞ്ഞു. ശനിയാഴ്ച രാവിലെ പട്‌നയിലെ ദനാപൂര്‍ പ്രദേശത്തുള്ള അദ്ദേഹത്തിന്റെ വസതിയില്‍ റെയ്ഡ് നടത്തിയ ഇഡി ഉദ്യോഗസ്ഥരുടെ ചോദ്യം ചെയ്യലിന് ശേഷമാണ് സുഭാഷിനെ അറസ്റ്റ് ചെയ്തത്. പട്‌നയിലെ അദ്ദേഹത്തിന്റെ മറ്റ് താമസ സ്ഥലങ്ങളിലും ഏജന്‍സി ഒരേസമയം റെയ്ഡ് നടത്തി.
സുഭാഷിനെ കസ്റ്റഡിയിലെടുക്കുന്നതിന് മുമ്പ് മണല്‍ ഖനനവും മറ്റ് സാമ്പത്തിക ഇടപാടുകളും സംബന്ധിച്ച രേഖകള്‍ ഇഡി ഉദ്യോഗസ്ഥര്‍ പരിശോധിച്ചതായി വൃത്തങ്ങള്‍ അറിയിച്ചു. സുഭാഷ് യാദവുമായി ബന്ധപ്പെട്ട പട്‌നയിലെ ആറ് സ്ഥലങ്ങളില്‍ മാര്‍ച്ച് ഒമ്പതിന് അദ്ദേഹത്തിന്റെ അടുത്ത കൂട്ടാളികളുടെ സ്ഥലങ്ങളില്‍ പരിശോധന നടത്തിയിരുന്നു. പരിശോധനയില്‍ 2.30 കോടിയിലധികം രൂപയും കുറ്റകരമായ രേഖകളും പിടിച്ചെടുത്തിട്ടുണ്ട്.
മാര്‍ച്ച് ഒമ്പതിന് രാത്രി വൈകിയാണ് സുഭാഷ് യാദവ് അറസ്റ്റിലായത്. ബിഹാറില്‍ അനധികൃത മണല്‍ ഖനനം നടത്തുന്നയാളാണ് സുഭാഷ്. പടന്ന മേഖലയിലെ പ്രമുഖ മണല്‍ വ്യാപാരിയാണ്. ബ്രോഡ്‌സണ്‍ കണ്‍സ്ട്രക്ഷന്‍ െ്രെപവറ്റ് ലിമിറ്റഡിന്റെ ഡയറക്ടര്‍ കൂടിയാണ് അദ്ദേഹം.
നേരത്തെ ബീഹാര്‍ പോലീസ് നല്‍കിയ ചില എഫ്‌ഐആറുകളില്‍ നിന്നാണ് കള്ളപ്പണം വെളുപ്പിക്കല്‍ കേസ് ഉണ്ടായത്. ആര്‍ജെഡി നേതാവ് സുഭാഷ് 2019ലെ ലോക്‌സഭാ തിരഞ്ഞെടുപ്പില്‍ ജാര്‍ഖണ്ഡിലെ ഛത്രയില്‍ നിന്ന് മത്സരിച്ച് പരാജയപ്പെട്ടിരുന്നു. ലാലു പ്രസാദ്, റാബ്‌റി ദേവി, തേജസ്വി യാദവ്, കുടുംബത്തിലെ മറ്റ് അംഗങ്ങള്‍ എന്നിവരോടൊപ്പമാണ് അദ്ദേഹത്തെ പലപ്പോഴും കാണുന്നത്. രണ്ട് വര്‍ഷം മുമ്പ് ഇഡിയും ഇയാളുടെ സ്ഥാപനങ്ങളില്‍ റെയ്ഡ് നടത്തിയിരുന്നു.
പ്രതികരിക്കാൻ ഇവിടെ എഴുതുക: