തൃശൂര് : തൃശൂരില് കെ മുരളീധരന് സ്ഥാനാര്ത്ഥിയാവുകയാണെങ്കില് ബിജെപി ആവശ്യപ്പെട്ടാല് ഉറപ്പായും പ്രചാരണ പ്രവര്ത്തനങ്ങളില് ഏര്പ്പെടുമെന്ന് ലീഡര് കെ കരുണാകരന്റെ മകള് പത്മജയുടെ ഭര്ത്താവ് ഡോ. വി വേണുഗോപാല്. ടി എന് പ്രതാപനെ മാറ്റി കെ മുരളീധരനെ തൃശൂരില് മത്സരിപ്പിക്കാനാണ് കോണ്ഗ്രസിന്റെ നീക്കം. പത്മജയുടെ ബിജെപി പ്രവേശനത്തിന്റെ കൂടി പശ്ചാത്തലത്തിലാണ് മുരളീധരനെ തൃശൂരില് മത്സരിപ്പിക്കാന് കേന്ദ്ര നേതൃത്വം ആലോചിക്കുന്നത്.
പത്മജ ലോക്സഭാ തെരഞ്ഞെടുപ്പില് മത്സരിക്കില്ലെന്നും ഡോ. വി വേണുഗോപാല് പറഞ്ഞു. ഇക്കാര്യം ബിജെപി നേതൃത്വത്തെ അറിയിച്ചിട്ടുണ്ട്. ഇനി രാഷ്ട്രീയം ബിജെപി തന്നെയാണെന്നും വി വേണുഗോപാല് പറഞ്ഞു.
ആരോഗ്യപരമായ പ്രശ്നങ്ങളുണ്ടായിരുന്നത് ഭേദമായി വരികയാണ്. അതിനാല് എല്ലായിടത്തും ഓടി നടന്ന് പ്രചാരണത്തിന് ഇറങ്ങാന് പറ്റിലെന്ന് അദ്ദേഹം പറഞ്ഞു.
അതേസമയം യൂത്ത് കോണ്ഗ്രസ് നേതാവ് രാഹുല് മാങ്കൂട്ടത്തിലിന്റെ പരാമര്ശത്തെ വി വേണുഗോപാല് വിമര്ശിച്ചു. രാഹുലിന്റെ പാരമ്പര്യമാണ് ഇത്തരം പരാമര്ശത്തിന് കാരണം. രാഹുലിനെതിരെ നിയമനടപടി സ്വീകരിക്കുന്നതിനെക്കുറിച്ച് ആലോചിക്കുകയാണെന്ന് അദ്ദേഹം പറഞ്ഞു.
