ഇറ്റാനഗര്‍: സന്തോഷ് ട്രോഫി ഫുട്‌ബോളില്‍ കേരളം പുറത്ത്. പെനല്‍റ്റി ഷൂട്ടൗട്ടും കടന്ന് സഡന്‍ ഡെത്തിലേക്ക് നീണ്ട മത്സരത്തിലാണ് മിസോറാം വിജയിച്ചത്.
റെഗുലര്‍ ടൈം മത്സരവും അധിക സമയ മത്സരവും ഗോള്‍രഹിത സമനിലയില്‍ കലാശിച്ചതിനെ തുടര്‍ന്നാണ് ഷൂട്ടൗട്ടിനെ ആശ്രയിക്കേണ്ടിവന്നത്.
ഷൂട്ടൗട്ടിലെ അഞ്ച് കിക്കുകളിലും ഇരു ടീമുകളും സ്‌കോര്‍ ചെയ്തു. പിന്നീട് സഡന്‍ ഡെത്തിലേക്ക് നീണ്ടപ്പോള്‍ ഏഴാമത്തേത് കേരള താരം സുജിത്ത് പുറത്തേക്ക് അടിച്ചതോടെ ടീം പുറത്തായി.
അധിക സമയ മത്സരത്തില്‍ മിസോറാം ഗോള്‍ നേടിയെങ്കിലും ഹാന്‍ഡ് ബോളായതിനാല്‍ അനുവദിച്ചില്ല. അധിക സമയത്തിലെ ആദ്യ പകുതിയിലാണ് ഗോള്‍ പാഴായത്.
ഇന്നലെ നടന്ന ആദ്യ ക്വാര്‍ട്ടറില്‍ മണിപ്പൂര്‍ ആസാമിനെതിരെ വമ്പന്‍ ജയമാണ് സ്വന്തമാക്കിയത്. ഒന്നിനെതിരെ ഏഴ് ഗോളിന്റെ തകര്‍പ്പന്‍ ജയത്തിലൂടെയാണ് മണിപ്പൂര്‍ മുന്നേറിയത്.
മണിപ്പൂര്‍, മിസോറാം, ഗോവ, സര്‍വീസസ് എന്നിവരാണ ഇത്തവണത്തെ സന്തോഷ് ട്രോഫി സെമിയിലെത്തിയ ടീമുകള്‍.
പ്രതികരിക്കാൻ ഇവിടെ എഴുതുക: