സോൾ: വിദേശകാര്യ മന്ത്രി എസ്. ജയശങ്കർ ചൊവ്വാഴ്ച ദക്ഷിണ കൊറിയൻ പ്രധാനമന്ത്രി ഹാൻ ഡക്ക്-സുവിനെ സന്ദർശിച്ചു. ഈ അവസരത്തിൽ അദ്ദേഹവുമായി ഉഭയകക്ഷി ബന്ധം കൂടുതൽ മെച്ചപ്പെടുത്തുന്നതിനുള്ള മാർഗങ്ങൾ ചർച്ച ചെയ്യുകയും ചെയ്തു.
ദക്ഷിണ കൊറിയയിലും ജപ്പാനിലുമുള്ള തന്റെ നാലു ദിവസത്തെ സന്ദർശനത്തിന്റെ ആദ്യ ഘട്ടത്തിലാണ് ജയശങ്കർ ഇവിടെ എത്തിയിരിക്കുന്നത്. സന്ദർശന വേളയിൽ അദ്ദേഹം കൊറിയൻ വിദേശകാര്യ മന്ത്രി ചോ തേ-യുലിനൊപ്പം പത്താമത് ഇന്ത്യ-ദക്ഷിണ കൊറിയ ജോയിൻ്റ് കമ്മീഷൻ മീറ്റിംഗിൽ സഹ അധ്യക്ഷനാകും.
“ഇന്ന് സിയോളിൽ പ്രധാനമന്ത്രി ഹാൻ ഡക്ക്-സൂവിനെ സന്ദർശിച്ചതിൽ സന്തോഷമുണ്ട്. ഇന്ത്യ-ദക്ഷിണ കൊറിയ ബന്ധത്തെക്കുറിച്ചുള്ള അദ്ദേഹത്തിന്റെ നല്ല വികാരങ്ങളെ അഭിനന്ദിക്കുകയും നാളെ നടക്കുന്ന പത്താം സംയുക്ത കമ്മീഷൻ മീറ്റിംഗിന് മുന്നോടിയായി അദ്ദേഹത്തിന്റെ മാർഗ്ഗനിർദ്ദേശത്തെ വിലമതിക്കുകയും ചെയ്യുന്നു,” – ജയ്ശങ്കർ എക്സിൽ പോസ്റ്റ് ചെയ്തു.
നേരത്തെ ജയ്ശങ്കർ ദക്ഷിണ കൊറിയയുടെ ദേശീയ സുരക്ഷാ ഉപദേഷ്ടാവ് ചാങ് ഹോ-ജിന്നുമായി കൂടിക്കാഴ്ച നടത്തുകയും ഇൻഡോ-പസഫിക് മേഖലയിലെ പങ്കാളിത്തത്തെക്കുറിച്ചും സമകാലിക പ്രാദേശിക, ആഗോള പ്രശ്‌നങ്ങളെക്കുറിച്ചും അദ്ദേഹവുമായി ചർച്ചകൾ നടത്തിയിരുന്നു. കൂടാതെ വാണിജ്യ, വ്യവസായ, ഊർജ മന്ത്രി അഹ്ൻ ഡക്‌ഗ്യൂണുമായും അദ്ദേഹം കൂടിക്കാഴ്ച നടത്തി.
ദക്ഷിണ കൊറിയയിലെ തിങ്ക് ടാങ്ക് പ്രതിനിധികളുമായി അദ്ദേഹം രസകരമായ സംഭാഷണവും നടത്തി. കൂടാതെ സന്ദർശന വേളയിൽ അദ്ദേഹം ഇന്ത്യൻ സമൂഹവുമായും കൂടിക്കാഴ്ച നടത്തുമെന്ന് പ്രതീക്ഷിക്കുന്നു.
വ്യാപാരം, നിക്ഷേപം, പ്രതിരോധം, വിദ്യാഭ്യാസം, ശാസ്ത്രം, സാങ്കേതികവിദ്യ, സംസ്കാരം എന്നിവ ഉൾപ്പെടുന്ന സഹകരണത്തിന്റെ വിവിധ മേഖലകളിലേക്ക് ഇന്ത്യയും ദക്ഷിണ കൊറിയയും തമ്മിലുള്ള പ്രത്യേക തന്ത്രപരമായ പങ്കാളിത്തം മാറിയിട്ടുണ്ട്.
പ്രതികരിക്കാൻ ഇവിടെ എഴുതുക