കൊച്ചി: 2024ലെ ഏഷ്യൻ ടെലികോം അവാർഡിൽ ‘ടെലികോം കമ്പനി ഓഫ് ദ ഇയർ’ പുരസ്കാരം നേടി ജിയോ പ്ലാറ്റ്ഫോംസ് ലിമിറ്റഡ്. സിംഗപ്പൂരിലെ മറീന ബേ സാൻഡ്സ് എക്സ്പോ ആൻഡ് കൺവെൻഷൻ സെൻ്ററിൽ നടന്ന ചടങ്ങിലാണ് പുരസ്കാരം സമ്മാനിച്ചത്.
ലോകത്തിലെ ഏറ്റവും വലിയ 5ജി സ്റ്റാൻഡ്-എലോൺ കോർ നെറ്റ്വർക്ക് വിന്യസിക്കുന്നതിനുള്ള പ്രവർത്തനങ്ങൾക്കാണ് അവാർഡ് ലഭിച്ചത്. ഈ പ്രവർത്തനങ്ങൾ സാങ്കേതിക വൈദഗ്ധ്യത്തിലൂടെയും നൂതനമായ പരിഹാരങ്ങളിലൂടെയും ആഗോള കണക്റ്റിവിറ്റിയെ നയിക്കുന്നതിനുള്ള ജിയോയുടെ പ്രതിബദ്ധത വ്യക്തമാക്കുന്നു. ഒപ്പം ഡിജിറ്റൽ മേഖലയെ പരിവർത്തനം ചെയ്യുന്നതിലെ ജിയോയുടെ നേതൃത്വം, ദീർഘവീക്ഷണം, എൻജിനീയറിംഗ് കഴിവുകൾ എന്നിവയെയും പ്രതിഫലിപ്പിക്കുന്നു.
