ചെന്നൈ : മലയാളി ഐഎഎസ് ഉദ്യോഗസ്ഥന്‍ ഉദ്യോഗം രാജിവച്ചു. 2011 ബാച്ചിലെ ഐഎഎസ് ഉദ്യോഗസ്ഥനും ഇലക്ട്രോണിക്സ് കോര്‍പ്പറേഷന്‍ ഓഫ് തമിഴ്നാട് ലിമിറ്റഡിന്റെ മാനേജിംഗ് ഡയറക്ടറുമായിരുന്ന എസ്. അനീഷ് ശേഖര്‍ ആണ് രാജിവച്ചത്.
2024 ഫെബ്രുവരി 29 മുതല്‍ പ്രാബല്യത്തോടെ ഐഎഎസില്‍ നിന്നുള്ള ഉദ്യോഗസ്ഥന്റെ രാജി അംഗീകരിച്ചതായി പേഴ്സണല്‍ ആന്‍ഡ് ട്രെയിനിംഗ് വകുപ്പ് അറിയിച്ചു. അനീഷ് ശേഖര്‍ മധുര കളക്ടറായി സേവനമനുഷ്ഠിച്ചിട്ടുണ്ട്. സ്റ്റേറ്റ് ഇന്‍ഡസ്ട്രീസ് പ്രൊമോഷന്‍ കോര്‍പ്പറേഷന്‍ ഓഫ് തമിഴ്നാട് (സിപ്കോട്ട്), ഗൈഡന്‍സ് തമിഴ്നാട്, തമിഴ്നാട് ഇന്‍ഡസ്ട്രിയല്‍ ഡെവലപ്മെന്റ് കോര്‍പ്പറേഷന്‍ എന്നിവയിലും അദ്ദേഹം സേവനമനുഷ്ഠിച്ചിട്ടുണ്ട്.
38 കാരനായ അനീഷ് ശേഖര്‍ നേരത്തേ മധുര കോര്‍പ്പറേഷന്‍ കമ്മീഷണറായും പ്രവര്‍ത്തിച്ചിട്ടുണ്ട്. സേലം ജില്ലയില്‍ സബ് കളക്ടറായും സേവനമനുഷ്ഠിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: