കൊച്ചി: പ്രധാനമന്ത്രി നരേന്ദ്ര മോദി കേരളത്തെ ഏറെ സ്നേഹിക്കുന്നുവെന്ന് മധ്യപ്രദേശ് നഗര വികസന മന്ത്രി കൈലാസ് വിജയ് വര്ഗ്യ. എറണാകുളം ലോക്സഭാ മണ്ഡലത്തില് ബിജെപി സംസ്ഥാന ജന. സെക്രട്ടറി എം.ടി. രമേശ് നേതൃത്വം നല്കിയ എന്ഡിഎ സംസ്ഥാന അധ്യക്ഷന് കെ. സുരേന്ദ്രന്റെ കേരള പദയാത്രയുടെ ഉദ്ഘാടനം നിര്വഹിക്കുകയായിരുന്നു അദ്ദേഹം.
‘കേന്ദ്രസര്ക്കാര് കോടിക്കണക്കിന് രൂപയാണ് കേരളത്തിനായി ചെലവഴിക്കുന്നത്. ബിജെപിക്കെതിരെ മത്സരിക്കുന്ന പാര്ട്ടികളായ എസ്പി, തൃണമൂല്, സിപിഎം, കോണ്ഗ്രസ് മുതലായവ അഴിമതി ഭരണം നടത്തിയവരാണ്. കസേരയുടെ പിറകെ പോകാത്ത പാര്ട്ടിയാണ് ബിജെപി. അഴിമതിയുടെ മുന്നണിയാണ് ബിജെപിക്കെതിരെ മത്സരിക്കുന്നത്. മറ്റുള്ളവര് കസേരയ്ക്ക് വേണ്ടി സഖ്യമുണ്ടാക്കുമ്പോള് ബിജെപി
രാഷ്ട്രത്തിന്റെ ഉന്നമനത്തിനു വേണ്ടി പ്രവര്ത്തിക്കുന്നു.
40 വര്ഷമായി 370-ാം വകപ്പ് എടുത്തുകളയുമെന്ന് പറഞ്ഞ പാര്ട്ടിയാണ് ബിജെപി. അധികാരത്തിലേറിയപ്പോള് അത് നടപ്പിലാക്കി. ഇന്ന് കാശ്മീര് സമാധാനത്തിന്റെ പാതയിലാണ്. കേരളം മാറിമാറി ഭരിച്ചവര് ഈ നാടിനെ തൊഴിലില്ലായ്മയുടെയും കടത്തിന്റെയും നാടാക്കി മാറ്റി. – അദ്ദേഹം പറഞ്ഞു.
