സന്തോഷ് ട്രോഫി: കേരളത്തിന് തോല്‍വി

ഇറ്റാനഗര്‍: സന്തോഷ് ട്രോഫി ഫൈനല്‍സിലെ രണ്ടാം മത്സരത്തില്‍ കേരളത്തിന് തോല്‍വി. കരുത്തരായ ഗോവയോട് എതിരില്ലാത്ത രണ്ട് ഗോളുകള്‍ക്കാണ് കേരളം പരാജയപ്പെട്ടത്.

കളിയുടെ രണ്ട് പകുതികളിലുമായി ഗോവന്‍ താരം നെസിയോ ഫെര്‍ണാണ്ടസ് നേടിയ ഇരട്ടഗോളാണ് കേരളത്തെ തോല്‍വിയിലേക്ക് തള്ളിവിട്ടത്. കളിയുടെ 44, 59 മിനിറ്റുകളിലാണ് ഗോളുകള്‍ വീണത്. രണ്ടാം റൗണ്ട് മത്സരങ്ങള്‍ പിന്നിടുമ്പോള്‍ ഗ്രൂപ്പ് എയില്‍ കേരളം മൂന്ന് പോയിന്റുമായി മൂന്നാം സ്ഥാനത്താണ്. മുന്നില്‍ നിലവിലെ ജേതാക്കളായ സര്‍വീസസും രണ്ടാമത് തോല്‍വി അറിയാത്ത ഗോവയുമാണ്.

മറ്റ് പോരാട്ടങ്ങളില്‍ ആതിഥേയരായ അരുണാചലിനെ സര്‍വീസസ് 4-0ന് തകര്‍ത്തു. മറ്റൊരു മത്സരത്തില്‍ ആസാം മേഘാലയയെ 2-1ന് പരാജയപ്പെടുത്തി.