ഒരോവറില്‍ ആറും സിക്‌സ്! ഇന്ത്യന്‍ ക്രിക്കറ്റില്‍ വീണ്ടും ചരിത്ര പ്രകടനം നായിഡു ട്രോഫിയില്‍

കടപ്പ: ഓവറിലെ ആറ് പന്തുകളില്‍ ആറ് സിക്‌സര്‍ എന്ന അപൂര്‍വ നേട്ടം ഇന്ത്യന്‍ ക്രിക്കറ്റില്‍ ഒരിക്കല്‍ക്കൂടി. സി കെ നായുഡു അണ്ടര്‍ 23 ട്രോഫിയിലാണ് ഗംഭീര പ്രകടനം നടന്നത്.

ഒരു ഓവറിലെ ആറു പന്തും സിക്‌സര്‍ പറത്തിയത് ആന്ധ്രാപ്രദേശ് സൂപ്പര്‍ താരം വംശി കൃഷ്ണ. റെയില്‍വേസിനെതിരായ മത്സരത്തില്‍ സ്പിന്നര്‍ ദമന്‍ദീപ് സിങ്ങിന്റെ ഓവറിലാണ് വിക്കറ്റ് കീപ്പര്‍ വംശി ആറു പന്തിലും സിക്‌സ് നേടി ചരിത്ര നേട്ടം സ്വന്തമാക്കിയത്. മത്സരത്തില്‍ വംഷി കൃഷ്ണ 64 പന്തില്‍ 110 റണ്‍സ് അടിച്ചുകൂട്ടി.

𝟔 𝐒𝐈𝐗𝐄𝐒 𝐢𝐧 𝐚𝐧 𝐨𝐯𝐞𝐫 𝐀𝐥𝐞𝐫𝐭! 🚨

Vamshhi Krrishna of Andhra hit 6 sixes in an over off Railways spinner Damandeep Singh on his way to a blistering 64-ball 110 in the Col C K Nayudu Trophy in Kadapa.

Relive 📽️ those monstrous hits 🔽@IDFCFIRSTBank | #CKNayudu pic.twitter.com/MTlQWqUuKP

— BCCI Domestic (@BCCIdomestic) February 21, 2024

വംശി തകര്‍പ്പന്‍ ബാറ്റിങ് പുറത്തെടുത്തിട്ടും ആന്ധ്ര മത്സരത്തില്‍ സമനില വഴങ്ങി. ആദ്യം ബാറ്റ് ചെയ്ത ആന്ധ്ര 378 റണ്‍സെടുത്ത് ഓള്‍ ഔട്ടായിരുന്നു. മറുപടി ബാറ്റിങ്ങില്‍ റെയില്‍വേസ് ഒമ്പത് വിക്കറ്റ് നഷ്ടത്തില്‍ 865 റണ്‍സെടുത്ത് ഇന്നിങ്‌സ് ഡിക്ലയര്‍ ചെയ്തിരുന്നു. ഇതോടെ മത്സരം സമനിലയില്‍ അവസാനിച്ചു.

ആന്ധ്രക്കായി ഓപ്പണറും വിക്കറ്റ് കീപ്പറുമായ വംഷി കൃഷ്ണ 64 പന്തില്‍ 110 റണ്‍സെടുത്തപ്പോള്‍ സഹ ഓപ്പണര്‍ നിഖിലേശ്വര്‍ 30 ബോളില്‍ 20 റണ്‍സില്‍ മടങ്ങി. ക്യാപ്റ്റന്‍ വംസി കൃഷ്ണ (74 പന്തില്‍ 55), ഹേമന്ത് റെഡ്ഡി (15 പന്തില്‍ 16), ധരണി കുമാര്‍ (108 പന്തില്‍ 81), വസു (64 പന്തില്‍ 19), ത്രിപുരാന വിജയ് (14 പന്തില്‍ 5), ഡിവിഎസ് ശ്രീരാം (38 പന്തില്‍ 6), ബി സന്തോഷ് കുമാര്‍ (0), ചെന്ന റെഡ്ഡി (2 പന്തില്‍ 0), എസ് വെങ്കട രാഹുല്‍ (153 പന്തില്‍ 66*) എന്നിങ്ങനെയായിരുന്നു മറ്റ് താരങ്ങളുടെ സ്‌കോര്‍.