തിരുവനന്തപുരം: ദേശാഭിമാനിയോട് മാപ്പ് പറയാന്‍ സൗകര്യമില്ലെന്ന് ബിജെപി സംസ്ഥാന വക്താവ് സന്ദീപ് വാര്യര്‍.കനകക്കുന്നിലെ വേദിയില്‍ പറഞ്ഞ ഓരോ വാക്കിലും വാചകത്തിലും ഉറച്ചു നില്‍ക്കുന്നു.അതിന്റെ ഏതെങ്കിലും ഒരു ഭാഗമോ ചെറിയ കഷണമോ പോലും പിന്‍വലിക്കേണ്ടതുണ്ട് എന്ന് കരുതുന്നില്ലെന്നും സന്ദീപ് വാര്യര്‍ ഫേസ്ബുക്കില്‍ കുറിച്ചു.
പറഞ്ഞതത്രയും പൂര്‍ണമായും സത്യമാണ് എന്ന ഉത്തമ ബോധ്യം ഉണ്ട്.അത് തെളിയിക്കാനുള്ള ചരിത്ര രേഖകള്‍ കൈവശമുണ്ട്.കോടതിക്ക് മുന്നില്‍ ദേശാഭിമാനിയുടെ യഥാര്‍ത്ഥ ചരിത്രം തെളിയിക്കാനും പൊതുസമൂഹത്തെ കൂടി അത് ബോധ്യപ്പെടുത്താനും ഏറെക്കാലമായി കാത്തിരിക്കുകയാണെന്നും സന്ദീപ് വാര്യര്‍ ഫേസ്ബുക്കില്‍ കുറിച്ചു.
ദേശാഭിമാനി ആരംഭിച്ചത് ഇന്ത്യന്‍ സ്വാതന്ത്ര്യ സമരത്തെ ഒറ്റു കൊടുത്തതിന് കമ്മ്യൂണിസ്റ്റ് പാര്‍ട്ടിക്ക് ബ്രിട്ടീഷുകാരില്‍ നിന്ന് കിട്ടിയ പണം കൊണ്ടാണ്’ എന്നാണ് സന്ദീപ് വാര്യര്‍ തിരുവനന്തപുരത്ത് കനകക്കുന്നില്‍ മാധ്യമ സ്ഥാപനത്തിന്റെ പരിപാടിയില്‍ സംബന്ധിക്കെ പറഞ്ഞത്.
പ്രസ്താവന ഒരാഴ്ചയ്‌ക്കകം പിന്‍വലിച്ച് നിരുപാധികം മാപ്പ് പറയാത്ത പക്ഷം നിയമ നടപടി സ്വീകരിക്കും എന്ന് കാട്ടി ദേശാഭിമാനി വക്കീല്‍ നോട്ടീസയച്ചിരുന്നു. ഇതിനുളള പ്രതികരണമെന്ന നിലയിലാണ് ഫേസ്ബുക്ക് പോസ്റ്റിട്ടത്.
പ്രതികരിക്കാൻ ഇവിടെ എഴുതുക: