തിരുവനന്തപുരം: തലസ്ഥാനത്ത് വിചാരണയ്‌ക്ക് കൊണ്ടുവന്ന പ്രതി മറ്റൊരു പ്രതിയെ ആക്രമിച്ചു.പോലീസ് ബസിനുള്ളില്‍ വച്ചായിരുന്നു സംഭവം. തിരുവനന്തപുരം മണ്ണന്തല രഞ്ജിത് വധക്കേസ് പ്രതി കൃഷ്ണകുമാറാണ് മറ്റൊരു കേസിലെ പ്രതിയായ റോയിയെ ആക്രമിച്ചത്.
ബ്ലേഡ് ഉപയോഗിച്ചാണ് ആക്രമണം നടത്തിയത്. റോയിയുടെ കഴുത്തില്‍ മുറിവേല്‍പ്പിക്കുകയായിരുന്നു. പൂജപ്പുര ജയിലില്‍ നിന്ന് ബസില്‍ വഞ്ചിയൂര്‍ കോടതിയിലേക്ക് കൊണ്ടുവരുന്നതിനിടെയായിരുന്നു സംഭവം. അഞ്ചുതെങ്ങ് റിക്‌സന്‍ വധക്കേസില്‍ ജീവപര്യന്തം തടവിന് ശിക്ഷിക്കപ്പെട്ട പ്രതിയാണ് റോയ്.
പ്രതികരിക്കാൻ ഇവിടെ എഴുതുക: