വിരുദുനഗര്‍: തമിഴ്നാട്ടിലെ വിരുദുനഗര്‍ ജില്ലയില്‍ പടക്ക ഫാക്ടറിയിലുണ്ടായ സ്ഫോടനത്തില്‍ ഒമ്പത് പേര്‍ മരിച്ചു. നിരവധി പേര്‍ക്ക് പരിക്കേറ്റു.
സ്ഫോടനത്തിന്റെ ശക്തി കൂടുതലായതിനാല്‍ പടക്ക നിര്‍മാണശാലയ്‌ക്ക് പുറമെ നാല് കെട്ടിടങ്ങളും തകര്‍ന്നു.
ഫാക്ടറി നഗരത്തിലെ വെമ്പക്കോട്ടയിലാണ് പ്രവര്‍ത്തിച്ചിരുന്നത്. സംഭവത്തെത്തുടര്‍ന്ന് പൊലീസും അഗ്നിശമന സേനയും സംഭവസ്ഥലത്തെത്തി പരിക്കേറ്റവരെ ആശുപത്രിയില്‍ പ്രവേശിപ്പിച്ചു.ഏഴ് പേര്‍ സംഭവസ്ഥലത്ത് വെച്ച് തന്നെ മരിച്ചു. രണ്ട് പേര്‍ ആശുപത്രിയിലേക്കുള്ള യാത്രാമധ്യേ മരണത്തിനു കീഴടങ്ങി.
ഫാക്ടറിയിലെ കെമിക്കല്‍ മിക്സിംഗ് റൂമിലാണ് അപകടമുണ്ടായതെന്നാണ് പ്രാഥമിക അന്വേഷണത്തില്‍ വ്യക്തമായത്.
പ്രതികരിക്കാൻ ഇവിടെ എഴുതുക: