കൊല്ലം: കേരള സ്റ്റേറ്റ് പെന്‍ഷനേഴ്‌സ് സംഘിന്റെ 26-ാം സംസ്ഥാന സമ്മേളനം 28, 29 തീയതികളില്‍ കൊല്ലം സി. കേശവന്‍ മെമ്മോറിയല്‍ (വേലുതമ്പി നഗര്‍) ടൗണ്‍ഹാളില്‍ ചേരും. 28ന് രാവിലെ 10ന് സംസ്ഥാന കൗണ്‍സില്‍ യോഗം ബിഎംഎസ് ദക്ഷിണ ക്ഷേത്ര സംഘടനാ സെക്രട്ടറി എം.പി. രാജീവന്‍ ഉദ്ഘാടനം ചെയ്യും. സംഘടനാ സംസ്ഥാന പ്രസിഡന്റ് എം.കെ. സദാനന്ദന്‍ അധ്യക്ഷനാകും. സംസ്ഥാന വൈസ് പ്രസിഡന്റ് പി.ബാലന്‍ സംഘടനാ പ്രമേയം അവതരിപ്പിക്കും.
ഉച്ചയ്‌ക്ക് രണ്ടിന് സുഹൃത് സമ്മേളനം ഫെറ്റോ സംസ്ഥാന സെക്രട്ടറി പി. എസ്. ഗോപകുമാര്‍ ഉദ്ഘാടനം ചെയ്യും. സംസ്ഥാന വൈസ് പ്രസിഡന്റ് ആര്‍. പി. മഹാദേവ കുമാര്‍ അധ്യക്ഷനാകും.
29ന് രാവിലെ 11ന് പ്രതിനിധി സമ്മേളത്തിന്റെ ഉദ്ഘാടന സഭ കേന്ദ്രമന്ത്രി വി. മുരളീധരന്‍ ഉദ്ഘാടനം ചെയ്യും. സംഘടനാ സംസ്ഥാന പ്രസിഡന്റ് എം. കെ. സദാനന്ദന്‍ അധ്യക്ഷനാകും. പ്രജ്ഞാവാഹക് ദേശീയ സംയോജകന്‍ ജെ. നന്ദകുമാര്‍ മുഖ്യപ്രഭാഷണം നടത്തും. സ്വാഗത സംഘം ചെയര്‍മാന്‍ റിട്ട. മേജര്‍ ജനറല്‍ ഡോ. സി.എസ്. നായര്‍, ഫെറ്റോ സംസ്ഥാന പ്രസിഡന്റ് എസ്.കെ. ജയകുമാര്‍ എന്നിവര്‍ പ്രഭാഷണം നടത്തും.
രണ്ടിന് വനിതാ സമ്മേളനം ബിഎംഎസ് ദേശീയ സമിതി അംഗം അഡ്വ. എസ്. ആശാമോള്‍ ഉദ്ഘാടനം ചെയ്യും. സംസ്ഥാന സെക്രട്ടറി പി. ബി. ഇന്ദിരാദേവി അധ്യക്ഷയാകും. സംസ്ഥാന വൈസ് പ്രസിഡന്റ് കെ. ബാലാമണി പ്രഭാഷണം നടത്തും. മൂന്നിന് ഭാരവാഹി തെരഞ്ഞെടുപ്പ്. 5ന് നടക്കുന്ന സമാപനസഭ ബിഎംഎസ് സംസ്ഥാന ഡെപ്യൂട്ടി ജനറല്‍ സെക്രട്ടറി ബി. ശിവജി സുദര്‍ശനന്‍ ഉദ്ഘാടനം ചെയ്യും. സംസ്ഥാന പ്രസിഡന്റ് എം.കെ. സദാനന്ദന്‍ അധ്യക്ഷനാകും.
പ്രതികരിക്കാൻ ഇവിടെ എഴുതുക: