മലപ്പുറം: മുജാഹിദിന്റെ സംസ്ഥാന സമ്മേളനത്തില്‍ മലപ്പുറം ജില്ലയിലെ സര്‍ക്കാര്‍ ഹോമിയോ ഡോക്ടര്‍മാര്‍ക്ക് നിര്‍ബന്ധിത ഡ്യൂട്ടി നിശ്ചയിച്ച് ജില്ലാ മെഡിക്കല്‍ ഓഫീസര്‍. 15 മുതല്‍ 18 വരെ മലപ്പുറം കരിപ്പൂരിലാണ് മുജാഹിദിന്റെ സംസ്ഥാന സമ്മേളനം. അവിടേക്കാണ് നിര്‍ബന്ധിതമായി ഹോമിയോ ഡോക്ടര്‍മാര്‍, അറ്റണ്ടര്‍, ഫാര്‍മസിസ്റ്റ് തുടങ്ങി 17 പേര്‍ക്ക് ഡ്യൂട്ടി നിശ്ചയിച്ചിരിക്കുന്നത്. ഇതിനോട് ഡോക്ടര്‍മാര്‍ക്ക് അഭിപ്രായഭിന്നതയുണ്ട്.
ഒരു രാഷ്‌ട്രീയ സംഘടനയുടെ പരിപാടിക്ക് സര്‍ക്കാര്‍ സംവിധാനം ഉപയോഗിക്കുന്നതിനെതിരെ വ്യാപക പ്രതിധേഷമാണ് ഉയര്‍ന്നിരിക്കുന്നത്. സാധാരണയായി സര്‍ക്കാര്‍ സംവിധാനം ഉപയോഗിച്ച് ശബരിമലയിലും ഹജ്ജ് തീര്‍ത്ഥാടനത്തിനും പോകുമ്പോഴാണ് ആരോഗ്യ പ്രവര്‍ത്തകരായ ഡോക്ടര്‍മാരുടെ സേവനം ഉറപ്പിക്കുന്നത്.
എന്നാല്‍ മുജാഹിദ് പോലെ മതഭീകരവാദം പ്രചരിപ്പിക്കുന്നതെന്ന് ആക്ഷേപമുള്ള സംഘടനയുടെ സമ്മേളനത്തില്‍ നിര്‍ബന്ധിതമായി ഡ്യൂട്ടിക്ക് നിയോഗിക്കുന്നത് ആദ്യമാണെന്നാണ് ഡോക്ടര്‍മാര്‍ പറയുന്നത്. തെരഞ്ഞെടുപ്പ് അടുത്തുവരുന്ന സമയത്ത് രാഷ്‌ട്രീയ താല്‍പര്യം മുന്‍നിര്‍ത്തിയാണ് ഈ നടപടിയെന്ന് വിമര്‍ശനങ്ങളുണ്ട്.
പ്രതികരിക്കാൻ ഇവിടെ എഴുതുക: