രാജ്‌കോട്ട് : മൂന്നാം ടെസ്റ്റില്‍ ആദ്യം കളി അവസാനിക്കുമ്പോള്‍ ഇംഗ്ലണ്ടിനെതിരെ ഇന്ത്യ അഞ്ച് വിക്കറ്റ് നഷ്ടത്തില്‍ 326 റണ്‍സെന്ന നിലയില്‍. രോഹിത് ശര്‍മ്മയും രവീന്ദ്ര ജഡേജയും നേടിയ ശതകങ്ങള്‍ക്കൊപ്പം അതിവേഗത്തില്‍ അര്‍ദ്ധ ശതകം നേടി അരങ്ങേറ്റം ശ്രദ്ധേയമാക്കി സര്‍ഫ്രാസ് ഖാനും ഇന്ത്യയ്‌ക്കായി തിളങ്ങി.
രോഹിത് 131 റണ്‍സ് നേടി പുറത്തായപ്പോള്‍ രവീന്ദ്ര ജഡേജ 110 റണ്‍സുമായി കുല്‍ദീപിനൊപ്പം ക്രീസിലുണ്ട്.സര്‍ഫ്രാസ് 66 പന്തില്‍ 62 റണ്‍സ് നേടി റണ്ണൗട്ടായി.
ആറാമനായി എത്തിയ സര്‍ഫറാസ് അനായാസമാണ് ബാറ്റ് ചെയ്തത്.നിര്‍ഭാഗ്യകരമായ റണ്ണൗട്ടിലൂടെ ആയിരുന്നു സര്‍ഫ്രാസ് പുറത്തായത്. ജഡേജ ഒരു സിംഗിളിന് വിളിച്ച് പകുതിക്ക് വെച്ച് ഓട്ടം നിര്‍ത്തിയത് സര്‍ഫറാസിനെ കുടുക്കുകയായിരുന്നു. സര്‍ഫറാസ് ഖാന്‍ 9 ഫോറും 1 സിക്‌സും അടിച്ചു.
പ്രതികരിക്കാൻ ഇവിടെ എഴുതുക: