ഒഡിഷയിൽ സ്വകാര്യ ബസ് മറിഞ്ഞ് അപകടം; കണ്ടക്ടർക്ക് ദാരുണാന്ത്യം; 12 പേർക്ക് പരിക്ക്

ഒഡിഷ: കട്ടക് ഗോപാൽപുരിന് സമീപം സ്വകാര്യബസ് മറിഞ്ഞുണ്ടായ അപകടത്തിൽ കണ്ടക്ടർക്ക് ദാരുണാന്ത്യം.അപകടത്തിൽ ബസ് യാത്രികരായ 12 പേർക്ക് പരിക്ക്. കട്ടകിലെ ഗോപാൽപുർ ചക്കിന് സമീപം എൻഎച്ച്-16ലാണ് അപകടം. ഇന്നലെ രാത്രിയോടെയായിരുന്നു സംഭവം.

ഭുവനേശ്വറിൽ നിന്നും കട്ടകിലേക്ക് പോകുകയായിരുന്ന ബസ് ഗോപാൽപുരിന് സമീപം സൈക്കിൾ യാത്രികനെ രക്ഷിക്കാൻ ശ്രമിക്കവെ മറിയുകയായിരുന്നു. പരിക്കേറ്റവരെ എസ്.സി.ബി മെഡിക്കൽ കാഷ്വാലിറ്റിയിലേക്ക് മാറ്റിയതായി ഡെപ്യൂട്ടി ഫയർ ഓഫീസർ അബാനി കുമാർ സ്വയിൻ അറിയിച്ചു.