മുംബൈ: സെര്വിക്കല് കാന്സര് ബാധിച്ചു മരിച്ചുവെന്ന വ്യാജ വാര്ത്ത നല്കി ജനങ്ങളെ കബളിപ്പിച്ച നടി പൂനം പാണ്ഡെയ്ക്കെതിരെ 100 കോടി രൂപയുടെ മാനനഷ്ടക്കേസ്. ഫൈസാന് അന്സാരി നല്കിയ പരാതി പ്രകാരം കാണ്പൂര് പോലീസാണ് കേസ് എടുത്തത്.
പൂനം പാണ്ഡെ, കാന്സറിനെ നിസാരവത്കരിക്കുകയും ദശലക്ഷക്കണക്കിന് പേരുടെ വികാരങ്ങള് മുതലെടുക്കുകയും ചെയ്തതായും പാണ്ഡെയെയും മുന് ഭര്ത്താവിനെയും അറസ്റ്റ് ചെയ്യണമെന്നും പരാതിയില് പറയുന്നു.
ഫെബ്രുവരി രണ്ടിനാണ് പൂനം പാണ്ഡെയുടെ ഇന്സ്റ്റഗ്രാമിലൂടെ വ്യാജ മരണവാര്ത്ത പുറത്ത് വിട്ടത്. പിന്നീട് താന് ജീവിച്ചിരിപ്പുണ്ടെന്ന് വെളിപ്പെടുത്തി വീഡിയോയിലൂടെ നടി രംഗത്തെത്തി.
