പത്തനംതിട്ട: പന്തളം കൊട്ടാരം നിര്വാഹകസംഘം മുന് പ്രസിഡന്റ് അന്തരിച്ച പി.ജി. ശശികുമാര് വര്മയ്ക്ക് നാട് കണ്ണീരോടെ വിട നല്കി. ഇന്നലെ വൈകിട്ട് സംസ്ക്കാര ചടങ്ങില് അയ്യപ്പ ഭക്തരും ദേശവാസികളും കുടുംബാംഗങ്ങളും വിവിധ സംഘടനാ പ്രവര്ത്തകരുമടക്കം ആയിരങ്ങള് അന്ത്യാഞ്ജലിയര്പ്പിച്ചു. പന്തളം പാലസ് വെല്ഫെയര് സൊസൈറ്റി വക രാജ രാജശേഖര മണ്ഡപം ഹാളിലാണ് ഭൗതികദേഹം പൊ
തു ദര്ശനത്തിനുവച്ചത്.
ചൊവ്വാഴ്ച രാത്രി പൊതു ദര്ശനത്തിനുവച്ച സമയം മുതല് ഇന്നലെ വൈകിട്ട് സംസ്കാര ചടങ്ങ് തുടങ്ങും വരെ വിവിധ തുറകളില്പ്പെട്ട പ്രമുഖരടക്കം അന്ത്യോപചാരം അര്പ്പിക്കുവാനെത്തി. മകന് അരവിന്ദ് വര്മ ചിതയ്ക്ക് തീകൊളുത്തി.
കൊളത്തൂര് അദൈ്വതാശ്രമം മഠാധിപതി സ്വാമി ചിദാനന്ദപുരി, അമൃതാനന്ദമയി മഠം ജനറല് സെക്രട്ടറി സ്വാമി പൂര്ണ്ണാമൃതാനന്ദപുരി, തന്ത്രി കണ്ഠര് മോഹനര്, ആര്എസ്എസ് മുതിര്ന്ന പ്രചാരകന് എസ്. സേതുമാധവന്, പ്രാന്ത കാര്യകാരി സദസ്യന് എ.ആര്. മോഹനന്, ഡെപ്യൂട്ടി സ്പീക്കര് ചിറ്റയം ഗോപകുമാര്, ഹിന്ദു ഐക്യവേദി സംസ്ഥാന അധ്യക്ഷ കെ.പി.
ശശികലടീച്ചര്, കുമ്മനം രാജശേഖരന്, മന്ത്രിമാരായ പി.പ്രസാദ്, കെ.രാധാകൃഷ്ണന്, ബിജെപി അധ്യക്ഷന് കെ. സുരേന്ദ്രന്, ജില്ലാ പ്രസിഡന്റ് വി.എ. സൂരജ്, പി.സി ജോര്ജ്, ശബരിമല അയ്യപ്പസേവാ സമാജം ദേശീയ ജനറല് സെ ക്രട്ടറി ഈറോഡ് രാജന്, യോഗക്ഷേമസഭ സംസ്ഥാന പ്രസിഡന്റ് അക്കീരമണ് കാളിദാസ ഭട്ടതിരിപ്പാട്, അയ്യപ്പ സേവാസമാജം ദേശീയ പ്രസിഡന്റ് എസ്ജെആര് കുമാര് തുടങ്ങിയവരടക്കം അന്തിമോപചാരം അര്പ്പിച്ചു.
