ടൂറിന്: ഇറ്റാലിയന് സീരി എയില് വമ്പന് ടീം യുവെന്റസിന് അത്യുഗ്രന് ഷോക്ക്. താരതമ്യേന ദുല്ബലരായ ഉഡിനീസ് തോല്പ്പിച്ചു. യുവെയുടെ തട്ടകമായ ടൂറിനിലെ യുവെന്റസ് സ്റ്റേഡിയത്തില് ഏകപക്ഷീയമായ ഒരു ഗോളിനാണ് ഞെട്ടിച്ചത്.
കഴിഞ്ഞ സീസണില് നഷ്ടപ്പെട്ട ലീഗ് ടൈറ്റില് തിരിച്ചുപിടിക്കാനുള്ള പ്രയത്നത്തിലാണ് യുവെന്റസ്. അതിനിടെയാണ് ഇന്നലെ ഞെട്ടിക്കുന്ന തോല്വി വഴങ്ങിയത്.
ഉഡിനീസിനായി കളിക്കുന്ന അര്ജന്റീന സെന്റര് ബാക്ക് ലാട്ടരോ ജിയാനെറ്റി ആണ് 25-ാം മിനിറ്റില് വിജയഗോള് നേടിയത്. പ്രതിരോധത്തില് ശ്രദ്ധ കേന്ദ്രീകരിച്ച് കളിച്ചിരുന്ന അവര് യുവെയ്ക്കെതിരെ മത്സരത്തില് തൊടുത്ത ഏക ഓണ് ടാര്ജറ്റ് ഷോട്ട് ആണ് ഗോളായി മാറിയത്.
സീരി എയില് നിലവില് ഇന്റര് മിലാന് ആണ് മുന്നില് തുടരുന്നത്. 60 പോയിന്റ് നേടിയ ടീമിന് യുവെന്റസിനെക്കാള് ഏഴ് പോയിന്റ് ലീഡുണ്ട്. കഴിഞ്ഞ വര്ഷം ലീഗ് ടൈറ്റില് നേടിയ നാപ്പോള് ഇത്തവണ ഏറെ പിന്നിലാണ്. നിലവില് ഒമ്പതാം സ്ഥാനത്താണ് നാപ്പോളി തുടരുന്നത്.
