സിലിഗരി:ത്രിപുരയിലെ സെപാഹിജാല സുവോളജിക്കൽ പാർക്കിൽനിന്നും ബംഗാൾ സഫാരി പാർക്കിലേക്ക് രണ്ട് സിംഹങ്ങളെ എത്തിച്ചു. ഏഴ് വയസ് പ്രായമായ ആൺ സിംഹത്തെയും അഞ്ച് വയസ് പ്രായമായ പെൺ സിംഹത്തെയുമാണ് പാർക്കിലെത്തിച്ചത്.
സിംഹങ്ങളുടെ ആരോഗ്യസ്ഥിതി തൃപ്തികരമാണെന്ന് ഉറപ്പുവരുത്തുന്നതിനായി ഒരു മാസക്കാലം ഇവയെ ക്വാറന്റൈനിൽ നിരീക്ഷിക്കും. നിലവിൽ ഇവയുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. പാർക്കിലേക്കുള്ള സിംഹങ്ങളുടെ കടന്നുവരവ് സന്ദർശകർക്ക് പുതിയ അനുഭൂതി നൽകുമെന്നാണ് വിലയിരുത്തൽ.
പ്രതികരിക്കാൻ ഇവിടെ എഴുതുക: