അയോദ്ധ്യ: ശ്രീരാംലല്ലയെ ദര്ശിച്ച് പ്രാര്ത്ഥിച്ചതിന് ശേഷം വിവരണാതീതമായ ശാന്തതയാണ് അനുഭവിച്ചതെന്ന് ദല്ഹി മുഖ്യമന്ത്രി അരവിന്ദ് കേജ്രിവാള്. ലക്ഷക്കണക്കിന് ഭക്തരാണ് ഓരോ ദിവസവും അയോദ്ധ്യയിലേക്ക് എത്തുന്നത്.
അവരുടെ ഭക്തിയും ആത്മീയഭാവവും കാണുന്നത് തന്നെ ഹൃദയത്തെ വല്ലാത്തൊരു അനുഭൂതിയിലേക്ക് എത്തിക്കും. ഞാന് എല്ലാവരുടെയും ക്ഷേമത്തിനായി പ്രാര്ത്ഥിച്ചു, അയോദ്ധ്യയിലെ ശ്രീരാമക്ഷേത്രദര്ശനത്തിന് ശേഷം മാധ്യമപ്രവര്ത്തകരോട് സംസാരിക്കുകയായിരുന്നു ദല്ഹി മുഖ്യമന്ത്രി. കുടുംബസമേതമാണ് അദ്ദേഹം അയോദ്ധ്യയിലെത്തിയത്. പഞ്ചാബ് മുഖ്യമന്ത്രി ഭഗവന്ത് മാനും കുടുംബവും ഒപ്പമുണ്ടായിരുന്നു.
ദീര്ഘകാലത്തെ ആഗ്രഹമാണ് സാക്ഷാത്കരിച്ചതെന്ന് ഭഗവന്ത് മാന് പ്രതികരിച്ചു. ജനുവരി 22ന് പ്രാണപ്രതിഷ്ഠാച്ചടങ്ങുകളില് പങ്കെടുക്കാനുള്ള ക്ഷണം ലഭിച്ചിരുന്നെങ്കിലും കുടുംബത്തോടൊപ്പം പിന്നീട് ക്ഷേത്രദര്ശനം നടത്തുമെന്ന് ഇരുനേതാക്കളും അറിയിച്ചിരുന്നു.
