കല്‍പ്പറ്റ: തിരുനെല്ലി ഭാഗത്ത് കാട്ടാനയുടെ സാന്നിധ്യത്തിന്റെ പശ്ചാത്തലത്തില്‍ സുരക്ഷാ കാരണങ്ങളാല്‍ തിരുനെല്ലി പഞ്ചായത്തിലെ എല്ലാ വിദ്യാഭ്യാസ സ്ഥാപനങ്ങള്‍ക്കും ചൊവ്വാഴ്ച ജില്ലാ കളക്ടര്‍ രേണു രാജ് അവധി പ്രഖ്യാപിച്ചു. മാനന്തവാടി നഗരസഭയിലെ കുറുക്കന്‍ മൂല (ഡിവിഷന്‍ 12), കുറുവ (13), കാടംകൊല്ലി (14), പയ്യമ്പള്ളി (15) ഡിവിഷനുകളിലെ എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയായിരിക്കും.
മാനന്തവാടി പടമലയിലെ കര്‍ഷകന്‍ അജീഷിനെ കൊലപ്പെടുത്തിയ ബേലൂര്‍ മഖ്നെയെന്ന കാട്ടാനയെ മയക്കുവെടിവയ്‌ക്കാനുള്ള ശ്രമം മൂന്നാം ദിവസവും വിജയിച്ചില്ല. ദൗത്യസംഘം സമീപം എത്തുമ്പോഴേക്കും ആന ഉള്‍ക്കാട്ടിലേക്ക് നീങ്ങുന്നതിനാണ് വെല്ലുവിളി.
ഈ സാഹചര്യത്തില്‍ ദൗത്യം ചൊവ്വാഴ്ചയും തുടരുമെന്ന് വനം വകുപ്പ് അറിയിച്ചു. അതിനിടെ, വന്യമൃഗശല്യം പരിഹരിക്കുന്നതില്‍ അധികാരികള്‍ ഗുരുതര വീഴ്ചവരിച്ചതായി ആനയിടെ ആക്രമണത്തില്‍ കൊല്ലപ്പെട്ട കര്‍ഷകന്‍ അജീഷിന്റെ കുടുംബാംഗങ്ങള്‍ പരാതിപ്പെട്ടു.
പ്രതികരിക്കാൻ ഇവിടെ എഴുതുക: