മുംബയ് : ലോക്സഭാ തെരഞ്ഞെടുപ്പ് അടുത്ത് വരവെ പ്രതിപക്ഷ സഖ്യമായ ഐ എന് ഡി ഐ എയ്ക്ക് വീണ്ടും തിരിച്ചടി. മഹാരാഷ്ട്ര മുന് മുഖ്യമന്ത്രിയും കോണ്ഗ്രസ് നേതാവുമായ അശോക് ചവാന് പാര്ട്ടി വിട്ടു.
മുതിര്ന്ന നേതാക്കളായ ബാബ സിദ്ദിഖും മിലിന്ദ് ദിയോറയും പാര്ട്ടി വിട്ടതിന് പിന്നാലെയാണ് ശക്തനായ മറ്റൊരു നേതാവിന്റെ രാജി.
മഹാരാഷ്ട്ര പ്രദേശ് കോണ്ഗ്രസ് കമ്മിറ്റി പ്രസിഡന്റ് നാനാ പട്ടോളെയ്ക്ക് അശോക് ചവാന് ഒറ്റവരിയുളള രാജിക്കത്ത് കൈമാറി. ഇതിന് ശേഷം എംഎല്എ സ്ഥാനം രാജിവയ്ക്കുകയാണെന്ന് നിയമസഭാ സ്പീക്കര് രാഹുല് നര്വേക്കറേയെ അറിയിച്ചു. അശോക് ചവാന് സംസ്ഥാനത്ത് ബിജെപി-ശിവസേന-എന്സിപി സഖ്യത്തില് ചേര്ന്നേക്കുമെന്ന് സൂചനയുണ്ട്.
ചവാനുമായി ബന്ധമുള്ള 12 ഓളം എംഎല്എമാരും ഉടന് പാര്ട്ടി മാറുമെന്നും സൂചനയുണ്ട്.
