കൊച്ചി: എറണാകുളം ശ്രീശാരദാ മഠം അധ്യക്ഷ പ്രവ്രാജിക അവ്യയപ്രാണ മാതാജി (82) അന്തരിച്ചു. പൂര്വാശ്രമത്തില് പറവൂര് എടയാടില് വീട്ടില് അമ്മുക്കുട്ടി അമ്മയുടെയും തൃശ്ശൂര് വിവേകോദയം സ്കൂളിലെ അധ്യാപകനായിരുന്ന കരുണാകര മേനോന്റെയും മകളാണ്.
ത്യശ്ശൂര് വിവേകോദയം സ്കൂളില് വിദ്യാഭാസത്തിന് ശേഷം, ത്യശ്ശൂര് കേരളവര്മ്മ കോളജില് നിന്നും ബിഎ ഇക്കണോമിക്സ് ബിരുദവും ബിഎഡും കരസ്ഥമാക്കി. ത്യശൂര് പുറനാട്ടുകര ശ്രീശാരദാ മഠത്തില് ചേര്ന്ന് 1964 മുതല് സംന്യാസ ജീവിതം തുടങ്ങി. 1986 മുതല് എറണാകുളത്ത് ശാരദാ മഠത്തില് പ്രവര്ത്തനം ആരംഭിച്ചു. 1988 ല് പ്രസിഡന്റ് ആയി ചുമതലയേറ്റു. സംസ്കാരം എറണാകുളം രവിപുരം ശ്മശാനത്തില് നടന്നു.
