ന്യൂദല്‍ഹി: ബോളിവുഡ് താരം അമിതാഭ് ബച്ചന്‍ വീണ്ടും അയോദ്ധ്യ രാമക്ഷേത്രത്തില്‍ ദര്‍ശനം നടത്തി. പ്രാണ പ്രതിഷ്ഠാ ചടങ്ങ് ദിനത്തില്‍ മകന്‍ അഭിഷേകിനൊപ്പവും അമിതാഭ് സന്ദര്‍ശനം നടത്തിയിരുന്നു.
കല്യാണ്‍ ജുവല്ലേഴ്‌സ് ഉടമ ടി.എസ്. കല്യാണരാമനും അമിതാഭിനൊപ്പം അയോദ്ധ്യയിലെത്തി. രാംലല്ലയില്‍ ചാര്‍ത്തുന്നതിനായി മാലയും സമര്‍പ്പിച്ചാണ് കല്യാണരാമന്‍ മടങ്ങിയത്. ഇതിന്റെ ചിത്രങ്ങളും പുറത്തുവിട്ടിട്ടുണ്ട്. അയോദ്ധ്യ സിവില്‍ ലൈനില്‍ കല്യാണ്‍ ജൂവല്ലേഴ്‌സിന്റെ പുതിയ ഷോറൂമിന്റെ ഉദ്ഘാടനമായിരുന്നു.
അയോദ്ധ്യയില്‍ അമിതാഭ് ബച്ചന്‍ സ്ഥലവും വാങ്ങിച്ചിട്ടുണ്ട്. 14.50 കോടിക്ക് 10,000 ചതുരശ്ര അടി സ്ഥലമാണ് അമിതാഭ് വാങ്ങിയിട്ടുള്ളത്. രാമക്ഷേത്രത്തില്‍ നിന്നും പതിനഞ്ചുമിനിട്ട് ദൂരം മാത്രമാണ് ഈ സ്ഥലത്തേയ്‌ക്കുള്ളത്.
പ്രതികരിക്കാൻ ഇവിടെ എഴുതുക: