തൃശൂര്‍: അതിരപ്പിള്ളിയില്‍ ദമ്പതികള്‍ക്ക് നേരെ കാട്ടാനയുടെ ആക്രമണം. കോയമ്പത്തൂര്‍ സ്വദേശികളായ ദമ്പതികളാണ് അമ്പലപ്പാറയില്‍ വച്ച് ആക്രമണത്തിനിരയായത്.
അതിരപ്പിള്ളി വെള്ളച്ചാട്ടം കണ്ട ശേഷം വെറ്റിലപ്പാറയിലേക്ക് വരവെയാണ് ആനയുടെ ആക്രമണം. ബൈക്കില്‍ എത്തിയ സുരേഷ്, സെല്‍വി എന്നിവരെ കാട്ടാന തുമ്പിക്കൈക്ക് അടിച്ചു വീഴ്‌ത്തി.
പരിക്കേറ്റ സെല്‍വിയെ ആദ്യം വെറ്റിലപ്പാറ പ്രാഥമിക ആരോഗ്യ കേന്ദ്രത്തില്‍ എത്തിച്ചു. എന്നാല്‍ ദേഹാസ്വാസ്ഥ്യം കലശലായതിനെ തുടര്‍ന്ന് ചാലക്കുടിയിലെ സ്വകാര്യ ആശുപത്രിയിലേക്ക് മാറ്റുകയുമായിരുന്നു.
പ്രതികരിക്കാൻ ഇവിടെ എഴുതുക: