തിരുവനന്തപുരം: തൃശൂര്‍ എടത്തിരുത്തി ചൂലൂരില്‍ വൈദ്യുതി ലൈനിനു താഴെ കൃഷി ചെയ്ത വാഴകള്‍ വെട്ടി നശിപ്പിച്ച കെഎസ്ഇബി ജീവനക്കാര്‍ക്കെതിരെ കൃഷി മന്ത്രി പി.പ്രസാദ്. നിയമ വിരുദ്ധ നടപടിയാണ് കെ എസ് ഇ ബി ജീവനക്കാരുടേതെന്ന് മന്ത്രി പറഞ്ഞു.
കര്‍ഷകര്‍ക്കുണ്ടായത് വലിയ ബുദ്ധിമുട്ടാണ്. വൈദ്യുതി പ്രവാഹമില്ലാത്ത ലൈനിന് കീഴിലാണ് വാഴ വച്ചതെന്ന് മന്ത്രി പറഞ്ഞു.
വൈദ്യുതി മന്ത്രി കൃഷ്ണന്‍കുട്ടിയുമായി വിഷയം സംസാരിച്ചു.അടിയന്തിര ഇടപെടല്‍ അദ്ദേഹം ഉറപ്പു നല്‍കിയിട്ടുണ്ട്. കര്‍ഷകര്‍ക്കുണ്ടായ നഷ്ടത്തിന് പരിഹാരമുണ്ടാകും.
മതില്‍ ചാടിക്കടന്ന് കൃഷി നശിപ്പിക്കാന്‍ ആര്‍ക്കും അവകാശമില്ല. വൈദ്യുതി ലൈനില്‍ മുട്ടുന്നുവെന്ന പേരില്‍ കുലച്ച പത്തോളം വാഴകളാണ് കെ എസ് ഇ ബി കരാര്‍ ജീവനക്കാര്‍ വെട്ടി നശിപ്പിച്ചത്.
പ്രതികരിക്കാൻ ഇവിടെ എഴുതുക