വിശാഖപട്ടണം : രണ്ടാം ടെസ്റ്റില്‍ ഇംഗ്ലണ്ടിനെതിരെ മികച്ച വിജയവുമായി ഇന്ത്യ. 106 റണ്‍സിനാണ് ഇന്ത്യയുടെ ജയം.
399 റണ്‍സ് വിജയലക്ഷ്യവുമായി ബാറ്റിംഗിനിറങ്ങിയ ഇംഗ്ലണ്ട് രണ്ടാം ഇന്നിങ്സില്‍ 292-റണ്‍സിന് പുറത്തായി.
ഈ വിജയത്തോടെ അഞ്ച് മത്സര പരമ്പര ഇന്ത്യ 1-1 എന്ന നിലയിലായി.നാലാം ദിനം 67-1 എന്ന നിലയിലാണ് ഇംഗ്ലണ്ട് ബാറ്റിംഗ് പുനരാരംഭിച്ചത്.രെഹാന്‍ അഹമ്മദിന്റെ വിക്കറ്റാണ് ആദ്യം നഷ്ടമായത്.
ഒലി പോപ്പിനേയും (23) ജോ റൂട്ടിനേയും (16) അശ്വിന്‍ പുറത്താക്കി. സാക് ക്രൗളിയെ (73) കുല്‍ദീപ് യാദവ് വിക്കറ്റിനു മുന്നില്‍ കുടുക്കി. ജോണി ബെയര്‍‌സ്റ്റോ (26) ജസ്പ്രീത് ബുമ്രയുടെ പന്തില്‍ വിക്കറ്റിന് മുന്നില്‍ കുടുങ്ങി.
ഉച്ചഭക്ഷണ സമയത്ത് ആറ് വിക്കറ്റ് നഷ്ടത്തില്‍ 194 റണ്‍സെന്ന നിലയിലായിരുന്നു ഇംഗ്ലണ്ട്.ഇതിന് ശേഷം 98 റണ്‍സ് കൂട്ടി ചേര്‍ത്ത് എല്ലാവരും പുറത്തായി. ടീം സ്‌കോര്‍ 220-ല്‍ നില്‍ക്കേ കാര്യമായ മുന്നേറ്റം നടത്താനാകാതെ സ്റ്റോക്‌സ് മടങ്ങി.
ഫോക്സ് ടീം സ്‌കോര്‍ 250-കടത്തിയെങ്കിലും 36 റണ്‍സെടുത്ത് മടങ്ങി. ഇന്ത്യയ്‌ക്കായി അശ്വിനും ബുംറയും മൂന്ന് വിക്കറ്റെടുത്തപ്പോള്‍ കുല്‍ദീപ് യാദവ്, അക്‌സര്‍ പട്ടേല്‍. മുകേഷ് കുമാര്‍ എന്നിവര്‍ ഓരോ വിക്കറ്റെടുത്തു.
പ്രതികരിക്കാൻ ഇവിടെ എഴുതുക: