തിരുവനന്തപുരത്ത് വൻ കഞ്ചാവ് വേട്ട; പിടികൂടിയത് കാറിൽ കടത്താൻ ശ്രമിക്കവെ

തിരുവനന്തപുരം: തലസ്ഥാനത്ത് വൻ കഞ്ചാവ് വേട്ട. കാറിൽ കടത്താൻ ശ്രമിക്കവെ 45 കിലോ കഞ്ചാവാണ് എക്‌സൈസ് സംഘം പിടികൂടിയത്.സംഭവത്തിൽ കാഞ്ഞിരംപാറ സ്വദേി വിജിത്ത്, തൊളിക്കാട് സ്വദേശി ഷാൻ എന്നിവരെ അറസ്റ്റ് ചെയ്തു. രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതികൾ പിടിയിലായത്.

കുന്നത്തുകാലിന് സമീപം നടത്തിയ വാഹന പരിശോധനക്കിടെ കഞ്ചാവ് പിടികൂടുകയായിരുന്നു. കാറിൽ പരിശോധിക്കവെ സംഘത്തിലുണ്ടായിരുന്ന രണ്ട് പേർ ഓടിരക്ഷപ്പെട്ടതായും ഇവർക്കായുള്ള അന്വേഷണം ഊർജ്ജിതമാക്കിയെന്നും എക്‌സൈസ് അറിയിച്ചു.