കോണ്‍ഗ്രസിന് 2024ലെ ലോക് സഭാ തെരഞ്ഞെടുപ്പില്‍ 40 സീറ്റുകള്‍ പോലും കിട്ടില്ലെന്ന് മമത ബാനര്‍ജി. ധൈര്യമുണ്ടെങ്കില്‍ വാരണാസി മണ്ഡലത്തില്‍ മോദിയോടെ ഏറ്റുമുട്ടാനും രാഹുല്‍ ഗാന്ധിയെ വെല്ലുവിളിച്ച് മമത ബാനര്‍ജി.
ബംഗാളിലെ മൂര്‍ഷിദാബാദില്‍ നടന്ന പൊതുയോഗത്തിലായിരുന്നു മമതയുടെ ഈ വെല്ലുവിളി. “നിങ്ങള്‍ ബംഗാളിലേക്ക് വന്നു. ഞാന്‍ ഇന്ത്യാ മുന്നണി അംഗമാണ്. എന്നിട്ടും നിങ്ങള്‍ ഏറ്റുമുട്ടാന്‍ വന്നു. നിങ്ങള്‍ക്ക് ധൈര്യമുണ്ടെങ്കില്‍ മോദിയുടെ വാരണാസി മണ്ഡലത്തില്‍ പോയി യുദ്ധം ചെയ്യൂ.” – മമത പറഞ്ഞു.
“നിങ്ങള്‍ ഉത്തര്‍ പ്രദേശിലോ രാജസ്ഥാനിലോ വിജയിച്ചിട്ടില്ല. അവിടെപ്പോയി മത്സരിക്കൂ. അലഹബാദിലോ വാരണാസിയിലോ പോയി മത്സരിക്കൂ.” – മമത പറഞ്ഞു.
പ്രതികരിക്കാൻ ഇവിടെ എഴുതുക: