രാത്രി മുഴുവൻ നീണ്ട രക്ഷാപ്രവർത്തനം ഫലം കണ്ടു; കഞ്ചാവ് തോട്ടം തേടി പോയി കാട്ടിൽ അഗപ്പെട്ട പോലീസ് സംഘം വനത്തിന് പുറത്തെത്തി

പാലക്കാട്: അട്ടപ്പാടി വനത്തിൽ അകപ്പെട്ട പോലീസ് സംഘത്തെ രക്ഷപ്പെടുത്തി. ഇന്ന് രാവിലെ ആറ് മണിയോടെയാണ് സംഘത്തെ വനത്തിന് പുറത്ത് കടത്തിയത്. സത്തിക്കൽ മലയിലായിരുന്നു സംഭവം. കഞ്ചാവ് തോട്ടം കണ്ടുപിടിക്കുന്നതിനായി പോയ പോലീസ് സംഘമാണ് കാട്ടിൽ കുടുങ്ങിയത്. ഇന്ന് രാവിലെയോടെയാണ് സംഘത്തെ പുറത്തെത്തിച്ചത്.

വഴിയിൽ വന്യമൃഗശല്യം ഉണ്ടായിരുന്നതായി അഗളി ഡിവൈഎസ്പി ജയകൃഷ്ണൻ വ്യക്തമാക്കി. കഞ്ചാവ് തോട്ടം കണ്ടുപിടിക്കുന്നതിനായി പോയ സംഘമാണ് വഴിതെറ്റി വനത്തിനുള്ളിൽ അകപ്പെട്ടത്. പാലക്കാട് അഗളി ഡിവൈഎസ്പി ഉൾപ്പെടെ സംഘത്തിലുണ്ടായിരുന്നു. കഞ്ചാവ് തോട്ടം തിരയവെ വഴി തെറ്റി കാട്ടിൽ അകപ്പെടുകയായിരുന്നു.