കാഠ്മണ്ഡു : അയോധ്യയിലെ രാമന്‍ വര്‍ഷങ്ങളായി കഴിഞ്ഞിരുന്ന ചെറിയ കുടിലില്‍ നിന്നും പുറത്തെത്തി അയോധ്യയിലെ രാമക്ഷേത്രത്തില്‍ കുടികൊണ്ടതോടെ ലോകമെങ്ങും സനാതനധര്‍മ്മത്തിന്റെ വെളിച്ചത്തിലേക്ക് മടങ്ങുകയാണ്. ഹിന്ദുമതത്തില്‍ നിന്നും പലവധി പ്രലോഭനങ്ങളാല്‍ മറ്റൊരു മതത്തിലേക്ക് ചേക്കേറിയവര്‍ക്ക് സ്വന്തം വേരുകളുടെ മഹത്വം തിരിച്ചറിയാന്‍ പ്രേരണയായത് അയോധ്യാ രാമക്ഷേത്രം.
നേപ്പാളിലെ പാർസ ജില്ലയിലെ ബഹുദർ മായ് വില്ലേജ് മുനിസിപ്പാലിറ്റിയിലെ ഗ്രാമവാസികളാണ് സനാതന ധർമ്മത്തിന്റെ വെളിച്ചത്തിലേക്ക് മടങ്ങിയെത്തിയത്. .പണം ഉള്‍പ്പെടെയുള്ള പ്രലോഭനങ്ങൾക്ക് വഴങ്ങി മതം മാറിയ 350 ഓളം പേർ തിരികെ സനാതനധർമ്മത്തിലേയ്‌ക്ക് മടങ്ങിയെത്തി. .
ഇവിടെ, വർഷങ്ങൾക്കുമുമ്പ്, ക്രിസ്ത്യൻ മിഷനറിമാർ പാവപ്പെട്ട ഹിന്ദുക്കളെ പണവും മെച്ചപ്പെട്ട ജീവിതവും മികച്ച വിദ്യാഭ്യാസവും വാഗ്ദാനം നൽകിയാണ് ക്രിസ്ത്യന്‍ മതത്തിലേക്ക് മാറ്റിയത്. എന്നാൽ അയോദ്ധ്യയിൽ രാമക്ഷേത്ര നിർമ്മാണം ആരംഭിച്ചപ്പോൾ മുതൽ അവർക്ക് പുതിയ തിരിച്ചറിവുണ്ടായി.സ്വന്തം മതത്തില്‍ നിന്നും ചെറിയ പ്രലോഭനങ്ങളുടെ പേരില്‍ മറ്റൊരു മതത്തിലേക്ക് മാറിപ്പോയത് ശരിയായില്ലെന്ന് ചിന്തയാണ് വീണ്ടും ഹിന്ദുമതത്തിലേക്ക് മടങ്ങിച്ചെല്ലാന്‍ അവരെ പ്രേരിപ്പിച്ചത്. ഇക്കഴിഞ്ഞ ജനവരി 22നാണ് പ്രധാനമന്ത്രി മോദി അയോധ്യയിലെ രാമക്ഷേത്രത്തില്‍ ശ്രീരാമന്റെ വിഗ്രഹം സ്ഥാപിക്കുന്ന പ്രാണപ്രതിഷ്ഠാച്ചടങ്ങുകള്‍ക്ക് നേതൃത്വം നല്‍കിയത്. ഇത് കണ്ടപ്പോള്‍ ഇവരുടെ ഉള്ളില്‍ ഹിന്ദു മതത്തിലേക്ക് തിരിച്ചെത്താനുള്ള ആഗ്രഹം ശക്തമായി. അതോടെ അവര്‍ ഹിന്ദു സംഘടനകളുമായി ബന്ധപ്പെട്ട് തങ്ങളുടെ ആഗ്രഹം അറിയിച്ചു. പിന്നീട് വിശ്വ ഹിന്ദു പരിഷത്തിന്റെ നേതൃത്വത്തിലാണ് ഇവരെ വീണ്ടും ഹിന്ദുമതത്തിലേക്ക് കൊണ്ടുവരുന്നതിന്റെ ഭാഗമായി ചടങ്ങുകള്‍ സംഘടിപ്പിച്ചത്. ഘര്‍വാപസിയുടെ (വീണ്ടും സ്വന്തം വീടായ ഹിന്ദുമതത്തിലേക്ക് മടങ്ങല്‍) ചടങ്ങിന്റെ ഭാഗമായി ഹവനം അടക്കമുള്ള കർമ്മങ്ങൾ നടന്നു. സനാതനധര്‍മ്മത്തിലേക്ക് മടങ്ങുന്നവരെല്ലാം ഗംഗയില്‍ കുളിച്ച് ശുദ്ധിവരുത്തി. പിന്നീട് ശ്രീരാമനെ പ്രാര്‍ത്ഥിച്ചു.
പലപ്പോഴും തങ്ങളെ മതം മാറ്റിയത് പല മോഹനവാഗ്ദാനങ്ങളും പറഞ്ഞാണെങ്കിലും മതം മാറിയതോടെ അവര്‍ തങ്ങളെ അവഗണിക്കാന്‍ തുടങ്ങിയെന്നും 350 പേരും പറയുന്നു. ‘”500 വർഷങ്ങൾക്ക് ശേഷം ശ്രീരാമൻ ജന്മസ്ഥലത്തേയ്‌ക്ക് മടങ്ങുമ്പോൾ, ഞങ്ങൾക്കും സനാതന ധർമ്മത്തിലേക്ക് മടങ്ങണമെന്ന് തോന്നി. ഇതിനുശേഷം, ഹിന്ദു സംഘടനകളുമായി ബന്ധപ്പെടുകയും സ്വമേധയാ സനാതന ധർമ്മത്തിലേക്ക് മടങ്ങുകയും ചെയ്തു. ‘ – അവർ പറയുന്നു.
പ്രതികരിക്കാൻ ഇവിടെ എഴുതുക: