തിരുവനന്തപുരം: നെഹ്‌റു യുവ കേന്ദ്രയുടെ ആഭിമുഖ്യത്തില്‍ ജനുവരി 20 മുതല്‍ 26 വരെ സംഘടിപ്പിച്ച പതിനഞ്ചാമത് പട്ടികവര്‍ഗ യുവജന സാംസ്‌കാരിക സംഘത്തിന് രാജ്ഭവനില്‍ വിരുന്നൊരുക്കി ഗവര്‍ണര്‍ ആരിഫ് മുഹമ്മദ്ഖാന്‍.
റിപ്പബ്ലിക് ദിന തലേന്ന് സംഘത്തിലെ 200 യുവതീയുവാക്കള്‍ക്ക് പുറമെ ഇവരോടൊപ്പം അനുഗമിച്ച ഉേദ്യാഗസ്ഥരും വിരുന്നില്‍ പങ്കാളികളായി. ഗവര്‍ണറുടെ പ്രിന്‍സിപ്പല്‍ സെക്രട്ടറി ഡോ. ദാവേന്ദ്ര കുമാര്‍ ദൊദാവത്ത്, നെഹ്‌റു യുവകേന്ദ്ര സ്‌റ്റേറ്റ് ഡയറക്ടര്‍ എം. അനില്‍കുമാര്‍, പിഐബി അഡീഷണല്‍ ഡയറക്ടര്‍ ജനറല്‍ പി. പളനി ചാമി, കാലിക്കറ്റ് യൂണിവേഴ്‌സിറ്റി ഹിന്ദി വിഭാഗം മുന്‍ മേധാവി ഡോ. ആര്‍. സുരേന്ദ്രന്‍ എന്നിവര്‍ വിരുന്നില്‍ പങ്കെടുത്തു. സാംസ്‌കാരിക വിനിമയ പരിപാടിയില്‍ പങ്കെടുത്ത മുഴുവന്‍ പേര്‍ക്കും ഗവര്‍ണര്‍ സര്‍ട്ടിഫിക്കറ്റുകളും ഫോട്ടോ ആല്‍ബവും വിതരണം ചെയ്തു. തുടര്‍ന്ന് വിവിധ സംസ്ഥാനങ്ങളിലെ കലാ സാംസ്‌കാരിക പരിപാടികള്‍ അരങ്ങേറി.
പ്രതികരിക്കാൻ ഇവിടെ എഴുതുക: