തിരുവനന്തപുരം : കൊല്ലത്തെ എസ് എഫ് ഐയുടെ കരിങ്കൊടി പ്രതിഷേധത്തിനും തുടര്‍ന്ന് ഗവര്‍ണറുടെ നാടകീയ കുത്തിയിരുപ്പിനും പിന്നാലെ തലസ്ഥാനത്തും ഗവര്‍ണര്‍ക്ക് നേരെ എസ്എഫ്‌ഐ പ്രതിഷേധം. വിവരാവകാശ കമ്മീഷന്‍ സംഘടിപ്പിച്ച സെമിനാറില്‍ പങ്കെടുക്കാന്‍ തൈക്കാട് ഗസ്റ്റ് ഹൗസില്‍ എത്തിയ ഗവര്‍ണറെ പ്രവര്‍ത്തകര്‍ കരിങ്കൊടി കാട്ടി.
പ്രതിഷേധ സാധ്യത കണക്കിലെടുത്ത് കനത്ത സുരക്ഷയാണ് പൊലീസ് ഒരുക്കിയിരുന്നത്. എന്നാല്‍ ഗവര്‍ണര്‍ എത്തും മുമ്പ് എസ്എഫ്‌ഐ പ്രവര്‍ത്തകര്‍ സ്ഥലത്ത് തമ്പടിച്ചിരുന്നു.
സംഭാര സമരവുമായി എത്തിയ പ്രവര്‍ത്തകരെ ഗവര്‍ണര്‍ എത്തും മുമ്പ് അറസ്റ്റ് ചെയ്തു നീക്കാന്‍ പൊലീസ് ശ്രമിച്ചതോടെ പൊലീസും പ്രവര്‍ത്തകരും തമ്മില്‍ ഉന്തും തള്ളുമുണ്ടായി.നിരവധി പ്രവര്‍ത്തകരെ പൊലീസ് ജീപ്പില്‍ കയറ്റി.
ഇതിനിടെ ഗവര്‍ണറുടെ വാഹനം എത്തിയപ്പോള്‍ പൊലീസ് ജീപ്പില്‍ ഇരുന്നുകൊണ്ട് തന്നെ പ്രവര്‍ത്തകര്‍ കരിങ്കൊടി ഉയര്‍ത്തി കാട്ടി.
പ്രതികരിക്കാൻ ഇവിടെ എഴുതുക: