കൊല്ക്കത്ത: പശ്ചിമ ബംഗാളിലെ സ്കൂള് അദ്ധ്യാപക നിയമന അഴിമതിക്കേസില് പങ്കുണ്ടെന്ന് ആരോപിച്ച് രണ്ട് തൃണമൂല് കോണ്ഗ്രസ് നേതാക്കളെ സിബിഐ ഉദ്യോഗസ്ഥര് ചോദ്യം ചെയ്തു.
രാജര്ഹട്ട്-ഗോപാല്പൂര് മണ്ഡലത്തില് നിന്നുള്ള തൃണമൂല് കോണ്ഗ്രസ് എംഎല്എ അദിതി മുന്സിയുടെ ഭര്ത്താവ് ദേബ്രാജ് ചക്രബര്ത്തി, ബപ്പാദിത്യ ദാസ്ഗുപ്ത എന്നിവരെയാണ് ചോദ്യം ചെയ്തത്. ബുധനാഴ്ച ഇവര്ക്ക് സമന്സ് അയച്ചിരുന്നു.
കഴിഞ്ഞ നവംബറില് രണ്ട് ടിഎംസി കൗണ്സിലര്മാരുടെ വീടുകളിലും ഓഫീസുകളിലും കേന്ദ്ര അന്വേഷണ ഏജന്സി തെരച്ചില് നടത്തിയിരുന്നു. 2022 ഒക്ടോബറില്, സംസ്ഥാനത്ത് തെരഞ്ഞെടുപ്പിന് ശേഷമുള്ള അക്രമ സംഭവങ്ങളെക്കുറിച്ചുള്ള അന്വേഷണവുമായി ബന്ധപ്പെട്ടും ദേബ്രാജ് ചക്രബര്ത്തിയെ സിബിഐ ചോദ്യം ചെയ്തിരുന്നു. മുന് മന്ത്രി പാര്ത്ഥ ചാറ്റര്ജി ഉള്പ്പെടെ ടിഎംസിയുടെ നിരവധി നേതാക്കളെ കേസില് അറസ്റ്റ് ചെയ്തിട്ടുണ്ട്.
