ആലപ്പുഴ: അയോദ്ധ്യ ശ്രീരാമ ക്ഷേത്ര പ്രാണ പ്രതിഷ്ഠയോടനുബന്ധിച്ച് സാമുദായികസ്പര്‍ദ്ധ വളര്‍ത്തുന്ന രീതിയിലും ഹിന്ദുവിരുദ്ധത പ്രകടിപ്പിച്ചും തൃക്കുന്നപ്പുഴ പോലീസ് സ്റ്റേഷനിലെ സിവില്‍ പോലീസ് ഓഫീസര്‍ സമൂഹമാധ്യമങ്ങളില്‍ പ്രചരണം നടത്തിയതിനെതിരെ ഹിന്ദു ഐക്യവേദി ആലപ്പുഴ ജില്ലാ സമിതി, ജില്ലാ പോലീസ് മേധാവിക്ക് പരാതി നല്കി.
അയോദ്ധ്യ ശ്രീരാമ ക്ഷേത്രത്തെയും ശ്രീരാമനെയും അവഹേളിച്ചു ഇപ്രകാരം ഒരു പ്രചരണം നടത്തിയിരിക്കുന്നത് സാമൂഹികമായി ഇത്തരം വിഷയങ്ങളില്‍ നിഷ്പക്ഷത പുലര്‍ത്തേണ്ട ഉത്തരവാദിത്തപ്പെട്ട പോലീസുകാരന്‍ ആണെന്നത് സംഭവത്തിന്റെ ഗൗരവം വര്‍ദ്ധിപ്പിക്കുന്നു.
സജീഷിന്റെ ഫേസ്ബുക്ക് പ്രൊഫൈലില്‍ മുഴുവന്‍ സമാന രീതിയിലുള്ള പോസ്റ്റുകളാണ്. സര്‍വീസ് ചട്ടങ്ങളുടെ ലംഘനം നടത്തി പോലീസ് സേനയ്‌ക്ക് ആകെ അപമാനം
ഉണ്ടാക്കിയ സജീഷിനെതിരെ ശക്തമായ നടപടി സ്വീകരിക്കണമെന്ന് പരാതി നല്‍കി് ഹിന്ദു ഐക്യവേദി ജില്ലാ സെക്രട്ടറി ടി.എന്‍. ജയപ്രകാശ് ആവശ്യപ്പെട്ടു.
ഹിന്ദു ഐക്യവേദി അമ്പലപ്പുഴ താലൂക്ക് ജനറല്‍ സെക്രട്ടറി ആര്‍.സജി, ആലപ്പുഴ മുന്‍സിപ്പല്‍ വൈസ് പ്രസിഡന്റ് ശ്രീകണ്ഠന്‍ നായര്‍ തുടങ്ങിയവര്‍ പരാതി നല്‍കിയ സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: