ന്യൂദല്‍ഹി: ഭരണാധികാരത്തിലായാലും പാര്‍ട്ടിപദവികളിലായാലും സിപിഎമ്മില്‍ ഏതാണ്ട് ഓരത്തേക്ക് തള്ളപ്പെട്ടിരിക്കുകയാണ് ജി. സുധാകരന്‍. ഇദ്ദേഹം മോദിയുടെ മനസ്സാന്നിധ്യത്തെയും കൂര്‍മ്മബുദ്ധിയെയും ജാഗ്രതയെയും കുറിച്ച് പുകഴ്‌ത്തിപ്പറയുന്ന വീഡിയോ വൈറലായി പ്രചരിക്കുകയാണ്.
മോദിയുടെ ജാഗ്രതയെ പുകഴ്‌ത്തുന്ന ജി. സുധാകരന്റെ വീഡിയോ:
കൂപമണ്ഡൂകങ്ങൾ എന്തറിയുന്നു വിഭോ 😄
അതിയായ മോദി വിരോധം കൂപമണ്ഡൂകങ്ങളായ അണികള്‍ക്ക് മാത്രമാണ് 💔#NarendraModi #ModiAgainin2024 #ModiHaiToMumkinHai #CPIM #Communist #GSudakaran pic.twitter.com/ClMpdjW2r7— MAYA ✍🏻 (@Maya_Lokam_) January 20, 2024
താന്‍ പിണറായി സര്‍ക്കാരില്‍ പൊതുമരാമത്ത് മന്ത്രിയായിരുന്ന കാലത്തെ അനുഭവമാണ് സുധാകരന്‍ ഓര്‍ക്കുന്നത്. “പ്രൈം മിനിസ്റ്റര്‍ മോദിയുമായി എനിക്ക് ഒരു അനുഭവമുണ്ടായിരുന്നു. ദേശീയപാത പണിയുക പോലുള്ള ഒരു പാട് പ്രവര്‍ത്തനങ്ങളുടെ ഭാഗമായി അദ്ദേഹത്തെ കാണാന്‍ വേണ്ടിപ്പോയി. സിഎമ്മും (പിണറായി വിജയന്‍) ഉണ്ട്. സിഎമ്മും ഞാനും കൂടിയാ പോയത്. അദ്ദേഹം (മോദി) എന്തെങ്കിലും പറയുകയാണെങ്കില്‍ എഴുതിയെടുത്തോളണം എന്നെന്നോട് പറഞ്ഞിരുന്നു. അങ്ങിനെയൊന്നും അദ്ദേഹം (മോദി) പറഞ്ഞില്ല. അപ്പോള്‍ ഞങ്ങള്‍ എഴുന്നേറ്റു. മുഖ്യമന്ത്രി ഇറങ്ങി. ഞാനും ഇറങ്ങാന്‍ പോയപ്പോള്‍ സുധാകര്‍ജീ എന്ന് ഒരു വിളി. ആര്. മോദി. പുള്ളി ആ കേസരയില്‍ തന്നെ ഇരിക്ക്യാണ്. യുവന്‍ പെന്‍ എന്ന് മോദി പറഞ്ഞു. ഞാന്‍ എഴുതുന്നതിനിടയില്‍ എന്റെ പേന താഴെപ്പോയിരുന്നു. പേനയുടെ ക്യാപാണ് താഴെപ്പോയത്. മോദിയെക്കുറിച്ച് രാഷ്‌ട്രീയ വിമര്‍ശനം ഞങ്ങള്‍ക്ക് വേറെയുണ്ട്. പക്ഷെ മോദിയുടെ ജാഗ്രത. അത് അപാരമാണ്. അത് ഏത് കാലത്ത് ഓര്‍മ്മിക്കുന്ന ഒന്നാണ്. “- ജി. സുധാകരന്‍ പറയുന്നു.
പ്രതികരിക്കാൻ ഇവിടെ എഴുതുക: