അല്‍ ഖോര്‍: ഏഷ്യന്‍ കപ്പ് ഫു്ടബോളില്‍ ഭാരതം ഇന്ന് മൂന്നാം അങ്കത്തിന്. ടൂര്‍ണമെന്റില്‍ ആശ്വാസ ജയം തേടിയാണ് ഭാരതം സിറിയക്കെതിരെ പോരാടാനിറങ്ങുന്നത്. ആദ്യ മത്സരത്തില്‍ കരുത്തരായ ഓസ്‌ട്രേലിയയോടും രണ്ടാം മത്സരത്തില്‍ ഉസ്‌ബെക്കിസ്ഥനോടും പരാജയപ്പെട്ട ഭാരതം ഗ്രൂപ്പ് ബിയില്‍ ഏറ്റവും പിന്നിലാണ്.
ഇന്നത്തെ മത്സരത്തില്‍ സിറിയയെ തോല്‍പ്പിക്കാനാവുമെന്ന പ്രതീക്ഷയിലാണ് ഇഗോര്‍ സ്റ്റിമാചിന്റെ ടീം ഇറങ്ങുന്നത്. ഇതിന് മുമ്പ് സിറിയയെ രണ്ട് തവണ തോല്‍പ്പിച്ചതിന്റെ പ്രതീക്ഷയിലാണ് ഭാരത ടീം. രണ്ട് മത്സരങ്ങളില്‍ അഞ്ച് ഗോളുകള്‍ വഴങ്ങിയ ഭാരതത്തിന് ഇതുവരെ ഒരു ഗോള്‍ പോലും നേടാന്‍ സാധിച്ചില്ലെന്നുതും ശ്രദ്ധേയമാണ്. വൈകീട്ട് അഞ്ചിന് അല്‍ ബെയ്‌ത്ത് സ്‌റ്റേഡിയത്തിലാണ് ഭാരതം-സിറിയ പോരാട്ടം.
പ്രതികരിക്കാൻ ഇവിടെ എഴുതുക: