ചങ്ങനാശ്ശേരി: അയോദ്ധ്യയില്‍ ശ്രീരാമക്ഷേത്രത്തില്‍ നടന്ന പ്രാണപ്രതിഷ്ഠാ ചടങ്ങിനോടനുബന്ധിച്ച് പെരുന്ന എന്‍എസ്എസ് ആസ്ഥാനത്ത് ശ്രീരാമദേവന്റെ ചിത്രത്തിന് മുന്നില്‍ ജനറല്‍ സെക്രട്ടറി ജി. സുകുമാരന്‍ നായര്‍ വിളക്ക് തെളിയിച്ചു.
നായര്‍ സമുദായാംഗമെന്നല്ല ഏതൊരു വിശ്വാസിക്കും ഈ ചടങ്ങില്‍ പങ്കെടുക്കാന്‍ അവകാശമുണ്ടെന്ന നിലപാടാണ് എന്‍എസ്എസിനുള്ളത്. ഇതിന്റെ അടിസ്ഥാനത്തിലാണ് എന്‍എസ്എസ് ആസ്ഥാനത്ത് വിളക്ക് തെളിയിച്ചതെന്ന് ജി. സുകുമാരന്‍ നായര്‍ പറഞ്ഞു.
ചിത്രത്തിന് മുന്നില്‍ പുഷ്പാര്‍ച്ചനയും നടത്തി. ഹെഡ്ഓഫീസ് ജീവനക്കാര്‍ ജനറല്‍ സെക്രട്ടറിയോടൊപ്പം നാമജപത്തില്‍ പങ്കെടുത്തു. എന്‍എസ്എസ് എക്സിക്യൂട്ടീവ് കൗണ്‍സില്‍ അംഗം ഹരികുമാര്‍ കോയിക്കല്‍, ഓഫീസ് ജീവനക്കാര്‍ തുടങ്ങിയവര്‍ ചടങ്ങില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: