തിരുവനന്തപുരം: സഹകരണ മേഖലയിലെ അഴിമതി ഗൗരവകരമായി കാണണമെന്ന് മുഖ്യമന്ത്രി പിണറായി വിജയൻ. മനുഷ്യന്റെ ആർത്തിയാണ് അഴിമതിയിലേക്ക് നയിക്കുന്നത്. സമൂഹത്തിൽ പലർക്കും വല്ലാത്ത ആർത്തിയാണെന്നും ഉള്ളതുപോര കൂടുതൽ വരുമാനം വേണം എന്ന് ചിന്തിക്കുന്ന ആളുകളാണ് അഴിമതിയുടെ ഭാഗമായി മാറുന്നതെന്നും മുഖ്യമന്ത്രി പറഞ്ഞു. തിരുവനന്തപുരത്ത് നടന്ന ഒൻപതാം സഹകരണകോൺഗ്രസിൽ സംസാരിക്കുകയായിരുന്നു അദ്ദേഹം.
സംസ്ഥാനത്ത് സഹകരണ മേഖല വലിയതോതിൽ കരുത്താർജ്ജിച്ചപ്പോൾ ദുഷിച്ച ചില പ്രവണതകളും ഉണ്ടാകുന്നു. ഏതെങ്കിലും ഒരു സ്ഥാപനത്തിന് ദുഷിപ്പ് ഉണ്ടായാൽ അത് ആ സ്ഥാപനത്തെ മാത്രമല്ല, കേരളത്തിന്റെ സഹകരണമേഖലയുടെ വിശ്വാസ്യതെയാണ് ബാധിക്കുക- മുഖ്യമന്ത്രി പറഞ്ഞു. സഹകരണമേഖലയിൽ എല്ലാകാര്യങ്ങളും കൂട്ടമായി നടക്കുന്നതുകൊണ്ട് വ്യക്തിപരമായി അഴിമതിനടത്താൻ അത്രകണ്ട് പറ്റില്ല. എന്നാൽ, കുറേക്കാലം തുടരുമ്പോൾ ചിലർ ഈ പറഞ്ഞ ദുഷിച്ച പ്രവണതയ്ക്ക് ഇരയാവുകയാണെന്ന് ഇരയാവുകയാണെന്ന് മുഖ്യമന്ത്രി കൂട്ടിച്ചേർത്തു.
സഹകരണ മേഖല തുടക്കത്തിൽ തന്നെ ജനക്ഷേമത്തിന് മുന്ഗണന നല്കിയിരുന്നു. ജനനം തൊട്ട് മരണം വരെ എല്ലാകാര്യത്തിലും ഇടപെടാന് സഹകരണ സ്ഥാപനത്തിനാക്കുന്നു. വലിയ തോതില് വൈവിധ്യവല്ക്കരണത്തിലേക്ക് സഹകരണ സ്ഥാപനങ്ങള് മാറി. സഹകരണ മേഖല പങ്കാളിത്തം വഹിക്കാത്ത രംഗം കേരളത്തില് അപൂര്വമാണ്. അപൂര്വമായ ഈ മുന്നേറ്റത്തില് വലിയ ഗുണവും ഉണ്ടായിട്ടുണ്ട് ചില ദോഷവശങ്ങളും ഉണ്ടായിട്ടുണ്ടെന്നും മുഖ്യമന്ത്രി പറഞ്ഞു.
ചെറിയ തോതിലുള്ള അഴിമതി പ്രശ്നങ്ങള് ഒറ്റപ്പെട്ട രീതിയില് പലയിടങ്ങളില് കാണുന്നു. ഇത്തരം കാര്യങ്ങള് സഹകരണ മേഖല വളരെ ഗൗരവമായി കാണേണ്ടതാണെന്നും സഹകരണ രംഗം ജനങ്ങള് പൊതുവില് വിശ്വാസം അര്പ്പിച്ചിട്ടുള്ള മേഖലയാണെന്നും പ്രാഥമിക സഹകരണ സംഘങ്ങള് നിക്ഷേപം സ്വീകരിക്കുന്ന മേഖലയായി കേരളത്തില് മാറി.
വലിയ തരത്തില് ജനങ്ങളുടെ വിശ്വാസം ആര്ജിക്കുന്ന സ്ഥാപനങ്ങളായി വളര്ന്നു. സ്വന്തമായി വിഭവമുള്ളവരായി പ്രാഥമിക സഹകരണ സംഘങ്ങള് മാറി. മറ്റു സംസ്ഥാനങ്ങളുടെ സഹകാരികള് ഇത് അത്ഭുതത്തോടെയാണ് കാണുന്നത്. കേരളത്തിലെ സഹകരണ മേഖല സ്വാഭാവികമായും അഭിമാനകരമായ വളര്ച്ചയിലേക്ക് കടന്നുവെന്നും മുഖ്യമന്ത്രി പറഞ്ഞു.
