ബ്ലൊയെംഫോണ്ടെയ്ന്: അണ്ടര് 19 ലോകകപ്പ് ക്രിക്കറ്റില് ഭാരതത്തിന് വിജയത്തുടക്കം. ഗ്രൂപ്പ് എയില് ഇന്നലെ നടന്ന മത്സരത്തില് അയല്ക്കാരായ ബംഗ്ലാദേശിനെ ഭാരതം 84 റണ്സിന് തോല്പ്പിച്ചു. ടോസ് നഷ്ടപ്പെട്ട് ബാറ്റിങ് ആരംഭിച്ച ഭാരതത്തിന് വേണ്ടി ഓപ്പണര് ആദര്ശ് സിങ്ങും(76) നായകന് ഉദയ് സഹറനും(64) നേടിയ അര്ദ്ധ സെഞ്ചുറി മികവില് നിശ്ചിത 50 ഓവറില് ഏഴ് വിക്കറ്റ് നഷ്ടത്തില് 251 റണ്സെടുത്തു.
ഇതിനെതിരെ ഇറങ്ങിയ ബംഗ്ലാദേശിനെ ഭാരത ബൗളര്മാര് 45.5 ഓവറില് 167 റണ്സില് പുറത്താക്കി. നാല് വിക്കറ്റ് നേടിയ സൗമി പാണ്ഡേ ആണ് ബംഗ്ലാദേശ് ബാറ്റര്മാരെ പുറത്താക്കാന് മുന്നില് നിന്നും നയിച്ചത്. ബംഗ്ലാദേശിനായി മുഹമ്മദ് ഷിഹാബ് ജെയിംസ്(54) അര്ദ്ധസെഞ്ചുറി നേടി. നേരത്തെ അവരുടെ ബൗളര് മറൂഫ് മ്രിദ്ധ അഞ്ച് വിക്കറ്റ് നേട്ടം കൊയ്തു.
