കുവൈത്ത് സിറ്റി: കേരള പ്രസ് ക്ലബ് കുവൈത്ത് വാര്ഷിക ജനറല് ബോഡിയും തെരഞ്ഞെടുപ്പും ഫര്വാനിയ ഷെഫ് നൗഷാദ് റെസ്റ്റോറന്റില് നടന്നു. പ്രസിഡന്റ് മുനീര് അഹമദ് അധ്യക്ഷത വഹിച്ചു. ജനറല് സെക്രട്ടറി ഹിക്മത് പ്രവര്ത്തന റിപ്പോര്ട്ടും ട്രഷറര് അനില് കേളോത്ത് സാമ്പത്തിക റിപ്പോര്ട്ടും അവതരിപ്പിച്ചു.
2024-25 വര്ഷത്തെ പുതിയ ഭാരവാഹികളെ യോഗത്തില് തെരഞ്ഞെടുത്തു. സത്താര് കുന്നില് തെരഞ്ഞെടുപ്പിന് നേതൃത്വം നല്കി. പുതിയ ഭാരവാഹികള്: പ്രസിഡന്റ് സുജിത് സുരേശന് (ജനം ടി.വി)പ, ജനറല്സെക്രട്ടറി സലിം കോട്ടയില് (മീഡിയവണ്), ട്രഷറര് ശ്രീജിത്ത് (ദേശാഭിമാനി).
എക്സിക്യൂട്ടീവ് അംഗങ്ങളായി മുനീര് അഹമദ് (വിബ്ജിയോര് ടി.വി), ഹിക്മത്ത് (കൈരളി ടി.വി), അനില് കേളോത്ത് (അമൃത ടി.വി), അസ്സലാം (ഗള്ഫ് മാധ്യമം), സത്താര് കുന്നില് (ഇജാലകം), കൃഷ്ണന് കടലുണ്ടി (വീക്ഷണം), അബ്ദുല് മുനീര് (സുപ്രഭാതം), അബുല്റസാഖ് (സത്യം ഓണ്ലൈന്), സുനീഷ് വേങ്ങര (കേരള വിഷന്) എന്നിവരെയും തെരഞ്ഞെടുത്തു. രഘു പേരാമ്പ്ര (കൈരളി ടി.വി), ഷാജഹാന് കൊയിലാണ്ടി (വിബ്ജിയോര് ടി.വി), ജസീല് ചെങ്ങളാന് (മീഡിയവണ്) എന്നീവര് ആശംസകള് നേര്ന്നു.
