ചെന്നൈ: തമിഴ് കവി കമ്പാര് രചിച്ച കമ്പ രാമായണത്തിലെ ശ്ലോകങ്ങള് പ്രധാനമന്ത്രി നരേന്ദ്രമോദി ശ്രവിച്ചു. കമ്പാര് ആദ്യമായി രാമായണം പരസ്യമായി അവതരിപ്പിച്ച അതേ സ്ഥലത്തിരുന്നാണ് മോദി രാമയാണ പാരയാണം കേട്ടത്.
രാമായണത്തിന്റെ വളരെ പഴയ പതിപ്പുകളിലൊന്നാണ് 12-ാം നൂറ്റാണ്ടില് തമിഴ് കവി കമ്പന് രചിച്ച ‘കംബരാമായണം’. കവി കമ്പാര് ആദ്യമായി തന്റെ രാമായണം തിരുച്ചിറപ്പള്ളിയിലെ ശ്രീ രംഗനാഥസ്വാമി ക്ഷേത്രത്തില് പരസ്യമായി അവതരിപ്പിച്ച് ജനഹൃദയങ്ങള് കീഴടക്കി. തമിഴും തമിഴ്നാടും ശ്രീരാമനും തമ്മിലുള്ള അഗാധമായ ബന്ധം ഊട്ടിയുറപ്പിച്ചുകൊണ്ട് കമ്പ ആദ്യം തമിഴ് രാമായണം ആലപിച്ച അതേ സ്ഥലത്ത് പ്രധാനമന്ത്രി ഇരുന്നു.
ശ്രീ രംഗനാഥ സ്വാമി ക്ഷേത്രത്തിലേക്കുള്ള പ്രധാനമന്ത്രിയുടെ സന്ദര്ശനം വളരെ പ്രത്യേകതയുള്ളതാണ്. . രാജ്യത്തെ ഏറ്റവും പുരാതനമായ ക്ഷേത്രസമുച്ചയങ്ങളിലൊന്നായ ഈ ക്ഷേത്രത്തിന് ശ്രീരാമനുമായി ആഴത്തിലുള്ള ബന്ധമുണ്ട്. മഹാവിഷ്ണുവിന്റെ ശയിക്കുന്ന രൂപമായ ശ്രീ രംഗനാഥ സ്വാമിയാണ് പ്രതിഷ്ഠ. ഐതിഹ്യമനുസരിച്ച്, ശ്രീരംഗം ക്ഷേത്രത്തിലെ വിഗ്രഹം യഥാര്ത്ഥത്തില് ശ്രീരാമനും അദ്ദേഹത്തിന്റെ പൂര്വ്വികരും ആരാധിച്ചിരുന്നു. ശ്രീരാമന്റെ പൂര്വ്വികര്ക്ക് ബ്രഹ്മാവാണ് ഇത് നല്കിയത്. അവര് അയോധ്യയില് ഈ വിഗ്രഹം അവരോടൊപ്പം ഉണ്ടായിരിക്കുകയും ദൈനംദിന ആരാധന ഉറപ്പാക്കുകയും ചെയ്തു
ഒരിക്കല്, വിഭീഷണന് തന്നില് നിന്ന് വിലയേറിയ ഒരു സമ്മാനം ആവശ്യപ്പെട്ടപ്പോള്, ഭഗവാന് ശ്രീരാമന് ഈ വിഗ്രഹം വിഭീഷണന് നല്കുകയും അതിനെ ആരാധിക്കാന് ആവശ്യപ്പെടുകയും ചെയ്തു. വിഭീഷണന് ലങ്കയിലേക്ക് പോകുമ്പോള് വഴിമധ്യേ ഈ വിഗ്രഹം ശ്രീരംഗത്തില് പ്രതിഷ്ഠിച്ചു.
അയോധ്യയിലെ രാമക്ഷേത്രത്തിലേക്ക് കൊണ്ടുപോകാന് രംഗനാഥ സ്വാമി ക്ഷേത്രത്തിലെ മേല്ശാന്തി പ്രധാനമന്ത്രിക്ക് പട്ടുകള് സമര്പ്പിച്ചു. പ്രധാനമന്ത്രിയുടെ സന്ദര്ശനത്തില് സന്തോഷം പ്രകടിപ്പിച്ച് ക്ഷേത്രത്തിലെ മുഖ്യ പൂജാരി സുന്ദര് ഭട്ടര് പറഞ്ഞു, ‘നമ്മുടെ പ്രധാനമന്ത്രി ശ്രീരംഗം സന്ദര്ശിക്കുന്നതില് ഇന്ത്യയിലെ എല്ലാ ഭക്തജനങ്ങളും വളരെ സന്തുഷ്ടരാണ്. പ്രധാനമന്ത്രിയുടെ സന്ദര്ശനത്തില് ഭഗവാന് രംഗനാഥനും സന്തുഷ്ടനാണ്. നമ്മുടെ പ്രധാനമന്ത്രി എല്ലാവരുടെയും ക്ഷേമത്തില് കരുതുന്നുണ്ടെന്നും രംഗനാഥനും. അതിനാല് ഇത് ശ്രീരംഗത്തിന് അനുഗ്രഹീതമായ അവസരമാണ്.
പശ്ചിമ ബംഗാളിലെ ജനങ്ങള്ക്ക് ഭഗവാന് ശ്രീരാമനോട് അതിയായ ബഹുമാനമുണ്ടെന്ന് പ്രധാനമന്ത്രി നരേന്ദ്ര മോദി പറഞ്ഞു.പായല് കര് ആലപിച്ച ശ്രീരാമന്റെ ‘മോന് ജോപോ നാം’ എന്ന ഗാനവും അദ്ദേഹം പങ്കുവെച്ചു.
മൗറീഷ്യസിലെ ജനങ്ങള് പാടിയ ഭക്തിസാന്ദ്രമായ ഭജനയും, കഥകളും നരേന്ദ്ര മോദി പങ്കുവെച്ചു.
എക്സില് പ്രധാനമന്ത്രി പോസ്റ്റ് ചെയ്തു;
‘മൗറീഷ്യസിലെ ആളുകള് അവരുടെ പാരമ്പര്യങ്ങള് സംരക്ഷിച്ചിട്ടുണ്ട്. ഈ രീതിയില് കഥകളിലൂടെയും ഭജനകളിലൂടെയും രാമനോടുള്ള ഭക്തി അവര് തുറന്നു കാട്ടുന്നു. ഇത്തരത്തില് സംസ്കാരത്തില് ആഴത്തില് ഊന്നിയ വേരുകളും അതുപോലെ തന്നെ അതിയായ ഭക്തിയും വര്ഷങ്ങളോളം തഴച്ചുവളരുന്നത് കാണുന്നതില് സന്തോഷമുണ്ട്.
