തിരുവനന്തപുരം : ഉന്നത വിദ്യാഭ്യാസ രംഗത്തെ പ്രതിനിധിയെന്ന നിലയിലാണ് റെനി സെബാസ്റ്റ്യനെ ശ്രീനാരായണ ഗുരു ഓപ്പണ് യൂണിവേഴ്സിറ്റി സിന്ഡിക്കേറ്റ് അംഗമായി നിയമിച്ചതില് മറുപടിയുമായി മുഖ്യമന്ത്രി പിണറായി വിജയന്. വീണ വിജയന് മാസപ്പടി നല്കുന്നുവെന്ന് ആരോപണമുയര്ന്ന സാന്റാമോണിക്ക എന്ന കമ്പനിയുടെ ഡയറക്ടര് ആണ് റെനി.
സാന്റ മോണിക്ക കമ്പനിക്കെതിരെ കെ. സുരേന്ദ്രനും ആരോപണം ഉന്നയിച്ചിട്ടുണ്ട്. മാസപ്പടി വിവാദത്തില് ഉള്പ്പെട്ട സ്ഥാപനത്തിന് ശ്രീനാരായണഗുരു ഓപ്പണ് യൂണിവേഴ്സിറ്റി സിന്ഡിക്കേറ്റ് അംഗമായി നിയമിച്ചതില് സേവ് യൂണിവേഴ്സിറ്റി ക്യാമ്പയിന് കമ്മിറ്റി മുഖ്യമന്ത്രിക്ക് പരാതി നല്കിയിരുന്നു. കുസാറ്റില് പോസ്റ്റ് ഡോക്ടറല് ഫെലോയാണ് റെനി, ഉന്നത വിദ്യാഭ്യാസ രംഗത്തെ പ്രതിനിധിയെന്ന നിലയിലാണ് നിയമനം നടത്തിയതെന്നും മുഖ്യമന്ത്രിയുടെ ഓഫീസ് വ്യക്തമാക്കി.
കഴിഞ്ഞ ദിവസമാണ് ശ്രീനാരായണ ഗുരു ഓപ്പണ് സര്വ്വകലാശാലയില് ഒഴിവുണ്ടായിരുന്ന രണ്ട് സിന്ഡിക്കേറ്റ് പദവികളിലേക്ക് നിയമനം നടത്തിയത്. റെനി സെബാസ്റ്റ്യനെ കൂടാതെ എസ്എഫ്ഐ സംസ്ഥാന പ്രസിഡന്റ് കെ. അനുശ്രീയേയും റെനി സെബാസ്റ്റ്യനേയും ആണ് നിയമിച്ചത്.
